नेशन न्यूज मराठी टीम.
बुलढाणा/प्रतिनिधी – बुलढाण्यात कोतवाल पदाच्या परीक्षेसाठी डमी परीक्षार्थी परीक्षा देत असल्याचा प्रकार समोर आला आहे. या प्रकरणी डमी परीक्षार्थी व मूळ परीक्षार्थीवर बुलढाणा शहर पोलिसांनी गुन्हा दाखल करून डमी परीक्षार्थी याला अटक करण्यात आले आहे. तर डमी परीक्षार्थी बसवणारा मूळ परीक्षार्थी फरार आहे. अटक करण्यात आलेला डमी परीक्षार्थी हा जालना जिल्ह्यातील बदनापूर तालुक्यामधील राजेवाडी येथील विजयसिंह महासिंह सुंदरडे येथील आहे. तर मूळ परीक्षार्थी मेहकर येथील गणेश हा फरार आहे.
चिखली रोड वरील सहकार विद्या मंदिर या परीक्षा केंद्रावर परीक्षा देतांना डमी परीक्षार्थी विजयसिंह महासिंह सुंदरडे याच्या हालचालीवर परीक्षा पर्यवेक्षक मनोज जगताप यांना संशय आल्याने त्यांनी त्याची तपासणी केली असता त्याने बनियानमध्ये खिसा शिवून त्यात मोबाइल लपवून आणल्याचे समोर आले होते. तेव्हा त्याचे हॉल टिकीट तपासले असता त्या हॉल तिकिटावर दुसऱ्या व्यक्तीचा फोटो दिसून आला. दरम्यान याबाबतीत बुलढाणा शहर पोलिसात डमी परीक्षार्थी विजयसिंह व मूळ परीक्षार्थी गणेश या दोघांवर फसवणूकीचा गुन्हा दाखल करण्यात आला आहे. पुढील तपास एपीआय जयसिंग राजपूत करीत आहेत.
