नेशन न्यूज मराठी टीम.
कल्याण / प्रतिनिधी – पहाटे ट्रक बंद पडल्याने ट्रक रस्त्याच्या बाजूला उभा होता. इतक्यात मागून दुचाकी स्वार येवून त्या ट्रकवर आदळले. या घटनेनंतर दुचाकी स्वारांनी ट्रक चालकाशी हुज्जत घातली. व ट्रक चालकाची या दुचाकी स्वारांनी निर्घुण हत्या केली. सदर घटना कल्याण येथील कोन गाव परिसरात घडल्याने कल्याण बाजारपेठ पोलिसांनी याची दखल घेत तपास सुरु केला.
कल्याणच्या दुर्गाडी चौकात ट्रक चालकाची निर्घृण हत्या करणाऱ्या दोन जणांना कल्याण बाजारपेठ पोलिसांनी 18 तासात वांद्रे येथून अटक केली आहे. हत्येनंतर दोघेही फरार झाले होते. मात्र सीसीटीव्हीच्या साहाय्याने पोलिसांनी या दोघांना शोधून काढले आहे. धक्कादायक म्हणजे तुझ्या ट्रकमुळे आमच्या गाडीचे नुकसान झाले आहे म्हणून आम्हाला पैसे दें असा बहाणा करुन दोघे ट्रक चालकाकडून जबरदस्तीने पैसे मागत होते. ट्रक चालकाने पैसे देण्यास नकार दिल्याने दोघांनी त्यांची हत्या केल्याची उघडकीस आले आहे.
कल्याण पश्चिमेतील दुर्गाडी चौकात एक ट्रक चालकाची निर्घृणपणे हत्या करण्यात आली होती. गाडीच्या एका चालकाचा बोल्ट खाली पडल्याने त्याने कोन गाव ब्रीजवर गाडी उभी केली. बंद पडलेली गाडी चेक करीत असताना मागून एका दुचाकीने त्या ट्रकला धडक दिली व त्यानंतर दुचाकी वरती स्वार असलेल्या दोघा आरोपींनी ट्रक चालकाशी अरेरावी करत बोलायला सुरुवात केली. तू ट्रक थांबविल्याने आमच्या गाडीचे नुकसान झाले. आमच्या गाडीची नुकसान भरपाई दे असे सांगत भांडण सुरू केले. ट्रक चालककाने माझ्या गाडीमुळे नुकसान झालेले नाही. त्यामुळे मी काही पैसे देणार नाही असे सांगितल्याचा राग या दोघांना आल्याने या दोघांनी मिळून धारदार शस्त्राने ट्रक चालकावर वार केले. यात ट्रक चालक याचा जागेवर मृत्यू झाला.
कल्याणचे पोलीस उपायुक्त सचिन गुंजाळ, साहाय्यक पोलीस आयुक्त कल्याणजी घेटे, वरिष्ठ पोलीस निरिक्षक सर्जेराव पाटील यांच्या मार्गदर्शनाखाली पोलिसांनी तपास सुरु केला. आरोपीना शोधण्यासाठी काही तपास पथके नेमली गेली. अखेर १८ तासांच्या आत दोन्ही आरोपींना वांद्रे येथून अटक करण्यात आली आहे. ट्रक चालकाची हत्या करुन दोघेही अजमेर जाण्याच्या तयारीत होते. त्याच दरम्यान पोलिसांनी त्यांना अटक केली आहे. यातील एका आरोपीची गुन्हेगारी पार्श्वभूमी असल्याचे चौकशीअंती समजले आहे. तरी पुढील तपास सुरु आहे.
