नेशन न्यूज मराठ टीम.
बुलढाणा / प्रतिनिधी – धाराशिव पोलिसांना गुप्त बातमीदारामार्फत माहिती मिळाली की रिलायन्स पेट्रोलपंप चौरस्ता उमरगाचे पाठीमागील शेतशिवारात बंद पडलेल्या कुक्कुटपालन शेडमध्ये अवैधरित्या गुटखा तयार करुन साठा करुन विक्री व्यवसाय करत आहेत. याची खात्री करुन येथे उपविभागीय पोलीस अधिकारी बरकते, उमरगा पोलीस ठाण्याचे प्रभारी निरीक्षक पारेकर, सपोनि कासार, कर्मचारी व दोन पंच असे मिळून वर नमुद ठिकाणी छापा मारुन सदर ठिकाणाहून गुटखा तयार करणारे 09 मिक्सर मशीन, गुटखा तयार करण्यासाठी लागणारे सुपारी, जर्दा, कात, सुगंधी तंबाखु व तयार पॅकिंग केलेला गोवा गुटखा माल व वाहतुकीसाठी वापरलेले वाहन टाटा टेम्पो ट्रक एमएच 13 सीयु 5126 असा एकुण 48,45,500 ₹ किंमतीचा मुद्देमाल हस्तगत केला आहे.
यातील आरोपी विरुद्ध पोलिस ठाणे उमरगा येथे विविध कलमाद्वारे सह अन्न व सुरक्षा व मानके कायदा 2006 मधील कलमांतर्गत तसेच दंडनीय कलम 59 अन्वये गुन्हा दाखल करण्यात आला आहे. दोन आरोपींपैकी एक आरोपी हॉस्पिटलमध्ये आहे. त्याला देखील तिथून उपचाराअंती अटक करण्यात येणार आहे.
सदर कामगिरी ही पोलीस अधीक्षक अतुल कुलकर्णी, अप्पर पोलीस अधीक्षक नवनीत कॉवत यांच्या मार्गदर्शनाखाली करण्यात आली आहे.
