नेशन न्यूज मराठी टीम.
जळगाव / प्रतिनिधी – जळगावात शिवसेना ठाकरे गटाच्या वतीने आज भर पावसात भाजपच्या महिला आघाडीच्या प्रदेशाध्यक्ष चित्रा वाघ, मंत्री विजयकुमार गावित व मंत्री दादा भुसे यांच्या निषेधार्थ आंदोलन करण्यात आले.भाजपच्या चित्रा वाघ यांनी शिवसेनाप्रमुख उद्धव ठाकरे यांच्या विरोधात बेताल वक्तव्य केल आहे, तर दादा भुसे यांनी कांद्याबाबत तर विजयकुमार गावित यांनी मासे खाऊन डोळे चांगले होतात, कोणतीही महिला पटू शकते तसे महिलांना लज्ज उत्पन्न होईल असे वक्तव्य केलं आहे. तिघांनी बेताल वक्तव्य केल्याचा आरोप करत याच्या निषेधार्थ आज जळगावत शिवसेना ठाकरे गटाच्या वतीने भर पावसात आंदोलन करण्यात आले.
यावेळी चित्रा वाघ , दादा भुसे,विजयकुमार गावित या तिघांच्या प्रतिमेला जोडे मारून ठाकरे गटाच्या वतीने निषेध व्यक्त करण्यात आला. शिवसेना ठाकरे गटाचे सहसंपर्कप्रमुख तसेच युवा सेनेचे जिल्हाध्यक्ष निलेश चौधरी , उपजिल्हाप्रमुख भाऊसाहेब सोनवणे यांच्या नेतृत्वात आंदोलन करण्यात आले.
यावेळी चित्रा वाघ यांनी त्यांची डोक्याची तपासणी करून घ्यावी म्हणून त्यांच्या नावाचा जिल्हा रुग्णालयात दाखल होण्याबाबतचा तसेच तपासणी बाबतचा केसपेपरही ठाकरे च्या वतीने काढण्यात आला आहे. चित्रा वाघ यांच्यासह बेताल वक्तव्य करणाऱ्यांनी जळगाव जिल्हा रुग्णालयात त्यांची डोक्याची तपासणी करून घ्यावी, अशा पद्धतीने तीव्र शब्दात ठाकरे गटाच्या वतीने निषेध व्यक्त करण्यात आला.
