DESK MARATHI NEWS NETWORK.
कल्याण/प्रतिनिधी-पुण्यात अमित ठाकरे यांनी पंतप्रधान नरेंद्र मोदी यांचा फोटो हटविल्याच्या कथित प्रकरणाचे पडसाद केडीएमसीत
कल्याण : पुण्यात मनसे नेते अमित ठाकरे यांनी पंतप्रधान नरेंद्र मोदी यांचा फोटो हटविल्याच्या कथित प्रकरणाचे पडसाद आता कल्याण-डोंबिवली महापालिकेच्या राजकारणात उमटले आहेत. या प्रकरणावरून भाजपने आक्रमक भूमिका घेत नियोजित महासभा तहकूब करण्याची मागणी केली. भाजपच्या आग्रहानंतर केडीएमसीची महासभा तहकूब करण्यात आली.
महासभेदरम्यान भाजपच्या नगरसेवकांनी पुण्यातील घटनेचा निषेध करत मनसेच्या भूमिकेवर नाराजी व्यक्त केली. पंतप्रधान नरेंद्र मोदी यांच्या फोटोचा मुद्दा उपस्थित करत सभा घेऊ नये, अशी भूमिका भाजपने घेतल्याने सभागृहातील वातावरण तापले. अखेर भाजपच्या मागणीनंतर महासभा तहकूब करण्याचा निर्णय घेण्यात आला.
दरम्यान, महासभा तहकूब केल्याच्या निर्णयावर काँग्रेसने तीव्र नाराजी व्यक्त केली आहे. “महासभा ही जनतेचे प्रश्न मांडण्यासाठी असते; मात्र येथे सत्तेचा खेळ सुरू आहे. भाजपने ही नाटकं बंद करावीत. विरोध असेल तर सत्तेतून बाहेर पडावे. सत्तेच्या या खेळामुळे जनतेचे प्रश्न मात्र लांबले आहेत,” असा पलटवार काँग्रेस नगरसेविका कांचन कुलकर्णी यांनी केला.
