DESK MARATHI NEWS.
भिवंडी/प्रतिनिधी – टोरंट पावर कंपनीने आकारलेले अतिरिक्त सिक्युरिटी डिपॉझिट रक्कम भिवंडीतील नागरिकांनी भरू नये असे आवाहन भिवंडी लोकसभा मतदारसंघाचे खासदार सुरेश म्हात्रे उर्फ बाळ्या मामा यांनी गुरुवारी नागरिकांना केले आहे.शहर व ग्रामीण भागात वीज पुरवठा करणाऱ्या टोरेंट पॉवर कंपनीने वीज ग्राहकांना अतिरिक्त डिपॉझिट रक्कम भरण्याच्या सूचना केल्या आहेत. ही डिपॉझिट रक्कम दीड हजार रुपयांपासून ते साडेपाच हजार रुपयांहून अधिक आहे. लवकरात लवकर ही डिपॉझिट रक्कम भरण्याच्या सूचना व मोबाईल मेसेज टोरंट पावर कंपनीकडून वीज ग्राहकांना पाठवण्यात आले आहेत.
विज बिल भरतानाच हैराण झालेल्या वीज ग्राहकांना आता पुन्हा डिपॉझिटच्या नावाने हजारो रुपये वीज वितरण कंपनीला द्यावे लागणार असल्याने वीज ग्राहकांमध्ये असंतोष पसरला आहे.यासंबंधीच्या तक्रारी खासदार बाळ्या मामा यांच्याकडे आल्या असता या संदर्भात भिवंडी शहर व ग्रामीण भागातील नागरिकांनी टोरंट पॉवर कंपनीने आकारलेला अतिरिक्त सिक्युरिटी डिपॉझिट रक्कम भरू नये, टोरंट ने आकारलेली ही जादा डिपॉझिट रक्कम पूर्णता बेकायदेशीर असून जर टोरेंट पॉवर कंपनीने वीज ग्राहकांना त्रास दिला अथवा डिपॉझिट भरण्यासाठी तगादा लावला तर नागरिकांनी थेट माझ्याशी संपर्क साधावा असे आवाहन देखील खासदार बाळ्या मामा यांनी नागरिकांना केले आहे.
