नेशन न्यूज मराठी टिम.
ठाणे/प्रतिनिधी– बाळकुम परिसरात असलेल्या रुणवाल आयरीन या ४० मजली इमारतीवरून लिफ्ट कोसळून पाच कामगारांचा दुर्दैवी मृत्यू झाला आहे. तर या अपघातात दोन कामगार गंभीर जखमी झाले असून त्यांना तातडीने खाजगी रुग्णालयात दाखल करण्यात आले आहे. या घटनेची माहिती मिळताच पोलीस आणि अग्निशमन दलाचे जवान घटनास्थळी दाखल झाले असून पोलीस याप्रकरणी अधिक चौकशी करत आहेत.
बाळकुम येथील नारायणी शाळेच्या बाजूला रुणवाल आयरीन या नुकतेच बांधकाम पूर्ण झालेल्या ४० मजली इमारतीच्या छतावर वॉटरप्रूफिंगचे काम सुरू होते. हे काम संपवून कामगार खाली येत असताना लिफ्टचा दोर तुटल्याने हा अपघात घडला आहे. अशी प्राथमिक माहीती आहे. घटनेची माहिती प्रत्यक्षदर्शींनी बाळकुम अग्निशमन दलाला कळवले. तातडीने बाळकुम अग्निशमन दलाचे स्टेशन अधिकारी ओमकार वैती घटनास्थळी टीमसह पोहोचले. तसेच या घटनेची माहिती मिळताच स्थानिक माजी नगरसेवक यांनी दुर्घटनास्थळी धाव घेत बचाव कार्यात मदत केली.
बचाव पथकाने लिफ्टमध्ये अडकलेल्या कामगारांना बाहेर काढले. या दुर्घटनेत पाच कामगारांचा जागीच मृत्यू झाला होता. तर गंभीर जखमी दोन कामगारांना खाजगी रुग्णालयात हलवण्यात आले.स्थानिक माजी नगरसेवक यांनी सुरक्षेतेची कोणतीही खबरदारी नसल्यामुळे ही घटना घडली आहे. व नाहक निष्पाप लोकांचा बळी गेला आहे त्यामुळे या प्रकारात गुन्हा दाखल करण्याची मागणी त्यानी केली आहे.घटना दाबण्याचा प्रयत्न होतोय असा आरोपही त्यावेळी त्यांनी केली.ही दुर्घटना नेमकी कशी घडली याबाबत पोलीस अधिक तपास करत आहेत.
