नेशन न्यूज मराठी टीम.
जळगाव / प्रतिनिधी – जळगाव जिल्ह्यातील एरंडोल तालुक्यातल्या गिरणा व तापी नदीच्या संगमावर असलेल्या रामेश्वर महादेव मंदिरात श्रावण सोमवार निमित्त कावड घेवून दर्शनासाठी गेलेले तीन तरुण भाविक गिरणा तापी नदीच्या संगमावर बुडाले असून दुपारी 3.30 वाजेच्या सुमारास घडली आहे .
सागर शिंपी , अक्षय शिंपी आणि पियुष शिंपी तिन्ही रा. एरंडोल अशी बुडालेल्या तीनही मुलांची नावे आहेत हे तीनही मुलं एकाच कुटुंबातील असल्याची माहिती ही समोर येत आहे.श्रावण सोमवार असल्याने हे तिघही तरुण महादेवाच्या जळगाव आतील प्रसिद्ध असलेल्या रामेश्वर या तीर्थक्षेत्रावर जात असलेल्या कावड यात्रेत सहभागी झाले होते. या ठिकाणी ते संगमावर गेल्यानंतर नेमके कसे बुडाले याबाबतची माहिती समोर आलेली नाही.
घटनेची माहिती मिळताच पोलीस प्रशासन व एस डी आर एफ टीम घटनास्थळी दाखल झाले असून बुडालेल्या तीन तरुणांचा शोध सुरू आहे. तीनही तरुण हे एरंडोल शहरातील रहिवासी असून एकाच कुटुंबातील असल्याची माहिती समोर आली आहे.बुडालेल्या तीनही मुलांचा शोध घेण्यासाठी एसडीआरएफची टीम रवाना करण्यात आली असून मुलांचा शोध सुरू आहे. या पैकी दोन मुलाचा शोध लागला असून त्यांच्या मृतदेह सापडले आहेत तर इतर एकाचा शोध सुरू आहे असं मंत्री अनिल पाटील यांनी सांगितले.
