नेशन न्यूज मराठी टीम.
ठाणे/प्रतिनिधी – २१ ऑक्टोबर १९५९ रोजी लडाखच्या सीमेवर हॉटस्प्रिंग या ठिकाणी कडाक्याच्या थंडीमध्ये केंद्रीय राखीव पोलिस दलाचे जवान गस्त करीत असतांना तेथे लपून बसलेल्या चिनी सैनिकांनी त्यांच्यावर अचानक हल्ला केला. त्या लढाईमध्ये देशाच्या सीमेचे रक्षण करतांना केंद्रीय राखीव पोलीस दलाच्या १० शूर जवानांनी हौतात्म्य पत्करले. तेव्हा पासून २१ ऑक्टोंबर हा दिवस पोलीस स्मृती दिवस” म्हणून पाळला जातो.
या दिवशी देशभरातील सर्व राज्यातील पोलिस मुख्यालयाच्या ठिकाणी विशेष संचलनाचे आयोजन केले जाते.
त्याचप्रमाणे ठाण्यात देखील आज गेल्या वर्षभराच्या काळात आपले कर्तव्य बजावत असतांना धारातिर्थी पडलेल्या पोलिस अधिकारी व जवानांना श्रध्दांजली अर्पण केली जाते. दि.०१/०९/२०२२ ते दि. ३१/०८/२०२३ या कालावधीत भारतातील विविध पोलीस दलातील १८८ अधिकारी व अंमलदार यांनी आपले कर्तव्य बजावत असतांना हौतात्म्य पत्करले आहे. त्यांना अभिवादन करण्यासाठी ठाण्यात सर्व पोलिस अधिकारी कर्मचारी यांनी श्रद्धांजली वाहिली .
या दिवशी आम्ही सर्व शहीद जवानाचा आदर करतो त्यांच्या बलिदानाचा सम्मान करतो. यादिवशी पोलीस शहीद जवानांना विशेष परेड चे आयोजन करून श्रद्धांजली वाहतो असे यावेळी ठाणे पोलीस आयुक्त जय जीत सिंग यांनी सागितले.
