नेशन न्यूज मराठी ऑनलाइन टीम.
नाशिक/प्रतिनिधी – कृषी विभागामार्फत शेतकऱ्यांच्या मार्गदर्शनासाठी विविध उपक्रम राबिवले जातात. त्यातच आता खरीप हंगामाचे नियोजन अंतर्गत गावोगावी जाऊन प्रमुख पिकांच्या बियाणांनावर बीज प्रक्रियेचे प्रात्यक्षिक करून दाखविले जात आहे. नाशिकातील इगतपुरी (Igatpuri) तालुक्यात कृषी विभागामार्फत खरीप हंगामाच्या नियोजनाचा भाग म्हणून तालुक्यातील जवळपास प्रत्येक गावात बीजप्रक्रिया मोहीम राबविण्यात येणार आहे. कृषी अधिकारी रामदास मडके यांनी ही माहिती दिली.
शेतकऱ्यांना जर घरघुती बियाणे वापरायचे असेल तर ३% मिठाच्या द्रावणाची बीज प्रक्रिया आणि कंपनीचे बियाणे वापरायचे असेल तर त्यांना azatobacter,PSB,KSB,Trycoderma या जैविक, रासायनिक घटकांची बीजप्रक्रिया (Seeding process) करून दाखविण्यात येत आहे.मौजे खेड भैरव येथे अशाच प्रकारचे प्रात्यक्षिक आयोजन करण्यात आले. कृषी पर्यवेक्षक किशोर भरते यांच्या मार्गदर्शनाखाली कृषी सहायक देवेंद्र पाटील, विजय कापसे यांनी उपस्थित शेतकरी यांना भात (Rice) पिकाच्या बियाण्यांसाठी बीज प्रक्रिया प्रात्यक्षिक करून दाखविले. तसेच त्यांच्या शंकांचे निरसन करण्यात आले. यावेळी कृषी पर्यवेक्षक किशोर भरते यांनी सोयाबीन बियाणे उगवण क्षमता चाचणी कशी करावी याची तसेच भात लागवडीचे तंत्रज्ञान, युरिया ब्रीकेटचा वापर याबाबत मार्गदर्शन केले.
