नेशन न्यूज मराठी ऑनलाईन टीम.
नवी दिल्ली/प्रतिनिधी – महामानव, भारतीय घटनेचे शिल्पकार आणि देशातील महान नेते, डॉ. बाबासाहेब भीमराव रामजी आंबेडकर यांची 133 वी जयंती महाराष्ट्र सदन व परिचय केंद्रात उत्साहात साजरी करण्यात आली. देशातील अनेक राज्यांमध्ये बाबासाहेब आंबेडकर यांच्या जयंती निमित्ताने मिरवणूक काढण्यात आली आहे. काही ठिकाणी बाबासाहेबांच्या अनुयायांनी सामाजिक उपक्रम राबवत बाबासाहेबांना अभिवादन केले.
१४ एप्रिल 2024 रोजी सकाळी संसद भवन परीसरातील डॉ. बाबासाहेब आंबेडकर यांच्या पुर्णाकृती पुतळ्यास राष्ट्रपती द्रौपदी मुर्मू यांच्या समवेत उपराष्ट्रपती जगदीप धनखड़, प्रधानमंत्री नरेंद्र मोदी, लोकसभा अध्यक्ष ओम बिरला, माजी राष्ट्रपती रामनाथ कोविंद, केंद्रीय सामजिक न्याय व सक्षमीकरण मंत्री डॉ. विरेंद्र कुमार, यांच्यासह केंद्रीय मंत्री, खासदार श्री, मल्लिकार्जून खरगे यांनी पुष्प अर्पण करून अभिवादन केले. यावेळी बाबासाहेब आंबेडकरांचे अुनयायी मोठ्या संख्येने उपस्थित होते.
कस्तुरबा गांधी मार्गस्थित महाराष्ट्र सदनाच्या प्रांगणातील डॉ. बाबासाहेब आंबेडकर यांच्या पुर्णाकृती पुतळ्याजवळ आयोजित कार्यक्रमात, निवासी आयुक्त रूपिंदरसिंग यांनी पुतळ्याला माल्यार्पण करुन विनम्र अभिवादन केले. यावेळी सहायक निवासी आयुक्त श्रीमती स्मिता शेलार यांच्यासह उपस्थित अधिकारी व कर्मचाऱ्यांनीही डॉ. बाबासाहेब आंबेडकर यांच्या पुतळ्यास पुष्प अर्पण करून अभिवादन केले. तसेच केंद्राच्या उपसंचालक अमरज्योत कौर अरोरा यांनी प्रतिमेस पुष्प अर्पण करून विनम्र अभिवादन केले. यांच्यासह परिचय केंद्राच्या कर्मचाऱ्यांनीही प्रतिमेस पुष्प अर्पण करून आदरांजली वाहिली.
