DESK MARATHI NEWS.
कल्याण/प्रतिनिधी – संत निरंकारी मिशन मार्फत आंतर्राष्ट्रीय योग दिवसाचे औचित्य साधून शनिवार, दि.21 जून रोजी सकाळी 6 वाजता भारतवर्षातील 1000 पेक्षा अधिक ठिकाणी एकाच वेळी ‘योग दिवस’ आयोजित केला जाणार आहे. मिशनच्या विविध शाखांमध्ये हे आयोजन स्थानिक योग प्रशिक्षकांच्या मार्गदर्शनाखाली खुल्या प्रांगणात किंवा उद्यानांमध्ये करण्यात येईल, ज्यामध्ये निरंकारी भक्तगण, सेवादल स्वयंसेवक व स्थानिक नागरिक उत्साहाने भाग घेतील.
मुंबई महानगर प्रदेशात सुमारे 50 पेक्षा अधिक ठिकाणी यानिमित्ताने योग प्रशिक्षणाचे कार्यक्रम आयोजित करण्यात आले आहेत त्यामध्ये निरंकारी भक्तगणांसह इतर नागरिकांनीही सहभागी होऊन याचा लाभ घ्यावा असे आवाहन स्थानिक प्रबंधकांकडून करण्यात आले आहे. पावसाळी वातावरण लक्षात घेऊन मुंबई महानगर प्रदेशात हे आयोजन मुख्यत्वे निरंकारी सत्संग भवनांमध्ये केले जाणार आहे.
संत निरंकारी मंडळाचे सचिव जोगिन्दर सुखीजा यांनी माहिती दिली, की 2015 सालापासूनच संत निरंकारी चैरिटेबल फाउंडेशन द्वारे ‘योग दिवस’ नियमितपणे देशव्यापी स्तरावर आयोजित केला जात आहे. सतगुरु माता सुदीक्षाजी महाराज यांच्या आशीर्वादाने हा या उपक्रमाचा सातत्याने विस्तार होत आहे. सतगुरु माताजींचे हेच मार्गदर्शन आहे, की ‘स्वस्थ मन, सहज जीवन’ त्यांच्या विचारांतून हे स्पष्ट होते, की मनुष्य तन ही ईश्वराची अनुपम देणगी आहे जी स्वस्थ आणि सशक्त बनवूनच मनुष्य आपल्या आध्यात्मिक व सामाजिक कर्तव्यांचा यथार्थ निर्वाह करु शकतो.
