DESK MARATHI NEWS.
डोंबिवली/ शंकर जाधव- कष्टकरी हॉकर्स व भाजी विक्रेता युनियन ( डोंबिवली) आणि विश्वरत्न डॉ बाबासाहेब आंबेडकर हातगाडी,पथारी असोसिएशन महाराष्ट्र राज्यच्या वतीने शुक्रवार 16 तारखेला पूर्वेकडील इंदिरा चौकात धरणे आंदोलन करण्यात आले.’पार्किंग फलक हटाव फेरीवाला बचाव’ या मागणीकरता फेरीवाल्यांनी आंदोलन केले होते.
रस्त्यावरती पार्किंगची बोर्ड लावले तर गाड्या पार्किंग होणार मग फेरीवाले जाणार कुठे? असा आंदोलनकर्त्यांनी उपस्थित केला.डोंबिवली पश्चिमेतील घनश्याम गुप्ते रोड वरील पार्किंग फलक पी वन पी टू ची आधीसूचना सन २०१७ रद्द झाली पाहिजे,ज्या ठिकाणी फेरीवाले बसत नाहीत त्या ठिकाणी पार्किंग चे फलक लावल्यास आमचा विरोध नाही, पथ विक्रेता उपजीविकेचे संरक्षण व पथविक्रीचे विनियमन )अधिनियम २०१४ फेरीवाल्याच्या असलेल्या कायद्याची प्रभावी अंमलबजावणी झाली पाहिजे या मागण्या असल्याचे यावेळी कष्टकरी हॉकर्स व भाजी विक्रेता युनियन ( डोंबिवली)चे अध्यक्ष बबन कांबळे यांनी सांगितले. आंदोलनात अध्यक्ष बबन कांबळे,फेरीवाला महिला कमिटी आश मगरे, रेश्मा कुरेशी, दिपक भालेराव अभयलाल दुबे ,राजू गुप्ता, नेईम खान, अष्टपाल कांबळे, सुनील पाचपुंजे आदी उपस्थित होते.
