DESK MARATHI NEWS NETWORK.
डोंबिवली/प्रमोद तांबे – एमआयडीसीच्या उघड्या चेंबर मध्ये पडून एका इसमाचा मृत्यू झाल्याची धक्कादायक घटना कल्याण शीळ रोड टाटा पावर जवळ गांधी नगर येथे घडली आहे.रस्त्याने चालत असताना एका इसमाचा पाय घसरला आणि हा इसम थेट उघड्या असलेल्या चेंबरमध्ये पडला. चेंबर मध्ये पडल्यामुळे त्याच्या डोक्याला गंभीर जखम झाली.आजूबाजूच्या लोकांनी या इसमाला उपचारासाठी डोंबिवली मधील एका खाजगी हॉस्पिटलमध्ये दाखल केली मात्र उपचारादरम्यान या इसमाचा मृत्यू झाला.
बाबू धर्मा चव्हाण असे या मयत इसमाचे नाव आहे. या घटनेमुळेनगरिकामध्ये तीव्र संताप व्यक्त होताना दिसतोय. कल्याण शीळ रोडवर या भागात अनेकदा उघडा चेंबर्स बाबत नागरिकांनी तक्रारी केल्या होत्या मात्र एमआयडीसीने दुर्लक्ष केल्याचा आरोप स्थानिक नागरिकांनी केलाय .उद्या चेंबरच झाकण बसवून एमआयडीसी प्रशासन दुरुस्तीही करेल पण ज्या कुटुंबाचा आधार गेला त्याची उणीव कोण भरून काढणार का ? असा प्रश्न सामान्य नागरिक प्रशासनाला विचारत आहे.
