DESK MARATHI NEWS.
कल्याण/प्रतिनिधी -थोर समाजसुधारक महात्मा ज्योतिबा फुले यांच्या जयंती दिनानिमित्त महापालिका मुख्यालयात, आज त्यांच्या प्रतिमेस माहिती व जनसंपर्क विभागाचे उपआयुक्त संजय जाधव यांनी पुष्पहार अर्पण करून अभिवादन केले. या समयी उपस्थित कार्यकारी अभियंता घन:श्याम नवांगुळ,सुरक्षा अधिकारी भरत बुळे, सहा.सुरक्षा अधिकारी सुरेश पवार तसेच इतर अधिकारी व कर्मचारी वर्ग यांनी देखील महात्मा ज्योतिबा फुले यांच्या प्रतिमेस पुष्पसुमने अर्पण करून अभिवादन केले.
कल्याण (प) येथील महात्मा फुले चौकातील, महात्मा ज्योतिबा फुले यांच्या पुतळयासही माहिती व जनसंपर्क विभागाचे उपआयुक्त संजय जाधव यांनी पुष्पहार अर्पण करून अभिवादन केले. या समयी 3/क प्रभागाचे अधिक्षक ज्ञानेश्वर कंखरे त्याचप्रमाणे उपस्थित नागरीक यांनी देखील महात्मा फुले यांच्या पुतळयास पुष्पसुमने अर्पण करून अभिवादन केले.
डोंबिवली (प) येथील महात्मा ज्योतिबा फुले यांच्या पुतळयास ह प्रभागाचे सहा आयुक्त राजेश सावंत यांनी पुष्पहार अर्पण करुन अभिवादन केले. या समयी ह प्रभाग अधीक्षक विजय भोईर तसेच इतर अधिकारी/कर्मचारी व नागरिक यांनी देखील महात्मा ज्योतिबा फुले यांच्या पुतळयास पुष्पसुमने अर्पण करून अभिवादन केले.
