DESK MARATHI NEWS NETWORK.
कल्याण/प्रतिनिधी – कल्याण पश्चिमेतील फडके मैदानातील फुटबॉल प्रेक्षक गॅलरीचे लोकार्पण बुधवारी महापौर हर्षाली चाैधरी थविल यांच्या हस्ते करण्यात आले. या प्रसंगी शिंदे सेनेचे नगरसेवक माेहन उगले, आमदार विश्वनाथ भोईर यांचे सुपुत्र वैभव भोईर, महिला पदाधिकारी नेत्रा उगले आदी मान्यवर उपस्थित होते.
माजी नगरसेवक उगले यांनी फडके मैदानात फुटबॉल प्रेक्षक गॅलरी तयार करण्यासाठी पाठपुरावा केला होता.
आमदार भोईर यांनी या कामाकरीता ३५ लाख रुपयांचा निधी दिला होता. काही कारणास्तव हे काम रखडले होते. आत्ता हे काम मार्गी लावल्याने क्रीडा प्रेमींसाठी मोठी सुविधा उपलब्ध झाली आहे. या फुटबॉल प्रेक्षक गॅलरीवर छत टाकण्याची मागणी उगले यांनी यावेळी केली. याठिकाणी प्रसाधनगृह आहे. त्याची देखील दुरावस्था झालेली आहे. त्याची देखभाल दुरुस्ती करुन ते नव्याने तयार करण्यात यावे. त्याठिकाणी क्रीडापटूकरीता कपडे बदलण्याची रुम तयार करण्यात यावी या मागण्या देखील यावेळी करण्यात आल्या. महापौर हर्षाली यांनी सांगितले की, उगले यांचा नेममीच चांगल्या कामाकरीता पाठपुरावा असतो. त्यांच्या मागण्यांची दखल घेऊन ही कामे देखील प्राधान्य क्रमाने मार्गी लावली जातील असे आश्वासन दिले.
