DESK MARATHI NEWS.
कल्याण/प्रतिनिधी – कल्याण पश्चिमेतील डॉ. आंबेडकर रोडवरील लोहार आळी येथे रविवारी पहाटे भीषण दुर्घटना घडली.एका वेल्डिंग दुकानात सिलेंडरचा स्फोट होऊन लागलेल्या आगीत चार दुकाने पूर्णपणे जळून खाक झाली.यात लाखो रुपयांचे नुकसान झाले असले तरी, सुदैवाने कोणतीही जीवितहानी झाली नाही. सकाळी साडेपाचच्या सुमारास गौरसिया चाळीजवळील वेल्डिंग दुकानात सिलेंडरचा स्फोट झाला. बहुतेक दुकाने बेकायदेशीर उभारण्यात आली होती त्यामुळे कुठून अग्निशमन व्यवस्था येणार परिणीती वित्तीय हानीत होणारच!
या आगीत क्लासेसचे एक दुकान व कमउद्दिन शेख व निजामुद्दीन सय्यद यांच्या दुकानांसह चार दुकाने जळून खाक झाली. अग्निशमन दलाच्या जवानांनी घटनास्थळी वेळीच पोहचून दोन तासाच्या प्रयत्नात आग आटोक्यात आणली.अग्निशमन अधिकारी नामदेव चौधरी यांनी सांगितले की, गॅस सिलेंडरमध्ये उष्णता निर्माण झाल्यामुळे आग लागल्याचे प्राथमिक तपासात स्पष्ट झाले आहे.आग एवढी तीव्र होती की तिने काही क्षणात आजूबाजूच्या दुकानांनाही आपल्या विळख्यात घेतले.दरम्यान ,काही दिवसापूर्वी डोंबिवलीतही अशीच आग लागल्याची घटना घडली होती.
Related Posts
