DESK MARATHI NEWS ONLINE.
डोंबिवली/प्रतिनिधी – एका 70 वर्षीय वृद्ध महिलेचा रस्ता ओलांडताना शाळेच्या बसखाली आल्याने मृत्यू झाल्याची दुर्दैवी घटना शुक्रवारी घडली. डोंबिवली पूर्वेकडील स्टेशनजवळील केळकर रोडवर ही घटना घडली. याप्रकरणी बसचालकाविरोधात निष्काळजीपणाने वाहन चालवून महिलेच्या मृत्यूस कारणीभूत असल्याचा गुन्हा दाखल झाला असून चालकाला डोंबिवली रामनगर पोलीसांनी अटक केली आहे.
पोलिसांकडून मिळालेल्या माहितीनुसार, सुप्रिया अशोक मराठे असे अपघातात मृत्यू पावलेल्या वृद्ध महिलेचे नाव आहे. महिलेचे भाऊ सुधीर दत्तात्रय फडके यांच्या फिर्यादीवरून ओमकार इंटरनॅशनल शाळेची बस ( mh -05 Az0966) चालक दिंगबर मधुकर मिश्री याच्या विरोधात डोंबिवली रामनगर पोलीस ठाण्यात गुन्हा दाखल करण्यात आला आहे.
वृद्ध महिला कामानिमित्त घराबाहेर पडल्यानंतर केळकर रोडवर आल्या असता.रस्ता ओलांडताना वृद्ध महिला शालेय बसखाली आल्या.त्यांना एका खाजगी रुग्णालयात उपचारासाठी दाखल केले असता काही वेळाने डॉक्टरांनी त्यांना मृत घोषित केले.रामनगर पोलिसांनी बसचालकाला अटक. केली असून पुढील तपास करत आहेत.
