DESK MARATHI NEWS ONLINE.
डोंबिवली/प्रतिनिधी – जागतिक पुस्तक दिनाचे औचित्य साधून २७ एप्रिल रोजी पै फ्रेंड्स लायब्ररी आणि डॉ. श्रीकांत शिंदे फाऊंडेशन यांचा अनोखा उपक्रम राबविणार आहेत.पै फ्रेंड्स लायब्ररी’च्या वतीने ‘पुंडलिक पै’ यांच्या संकल्पनेतून बुक स्ट्रीट या अनोख्या उपक्रमाचे आयोजन करण्यात येणार आहे आहे. यंदा या उपक्रमाला डॉ. श्रीकांत शिंदे फाऊंडेशन यांची साथ आहे. पुस्तकांपासून तयार केलेली ‘आय लव्ह बुक्स’ ही प्रतिकृती यंदाच्या बुक स्ट्रीटचे खास आकर्षण असणार आहे. पहिल्या वर्षी ४५०० वाचकांनी या उपक्रमाला भेट दिली होती दुसऱ्या वर्षी ८ हजार वाचक या उपक्रमात सहभागी झाले होते. तर यंदाचे वर्षी दहा हजार वाचनप्रेमी उपस्थित राहतील असा अंदाज आयोजकांनी व्यक्त केला आहे.
बुक स्ट्रीट उपक्रम यशस्वी होण्यास कल्याण डोंबिवली महानगरपलिका, डोंबिवली शहर वाहतूक विभाग आणि डोंबिवली शहर पोलिस विभाग यांचे विशेष सहकार्य लाभणार आहे. जास्तीत जास्त नागरिकांनी या उपक्रमात सहभागी होण्याचे आवाहन ‘पै फ्रेंड्स लायब्ररी’च्या वतीने करण्यात आले आहे.
सांस्कृतिक नगरी डोंबिवली मधील फडके रोडवर रविवार, दिनांक २७ एप्रिल रोजी सकाळी ५ वाजता मान्यवरांच्या उपस्थितीत बुक स्ट्रीटचे उद्घाटन करण्यात येणार असून सकाळी १० वाजेपर्यंत हा बुक स्ट्रीट रसिक वाचकांसाठी खुला रहाणार आहे.
वाचन संस्कृती वाढावी हा या मागचा हेतू आहे. आयोजित करण्यात आलेल्या या उपक्रमामध्ये रसिकांना मोफत कूपनद्वारे प्रवेश दिला जाणार (कुपन कार्यक्रम स्थळी मिळतील) असून त्यावर तिथे उपलब्ध असलेले कोणतेही एक पुस्तक पूर्णपणे मोफत निवडता येणार आहे. अशी माहिती आयोजकांकडून देण्यात आली आहे.
