नेशन न्यूज मराठी टीम.
अमरावती / प्रतिनिधी – सध्या यशोमती ठाकूर ह्या कॉंग्रेसच्या जनसंवाद यात्रेत आहेत. तिवसा मतदारसंघातून यात्रा जात असताना सरकारच्या सध्या सुरु असलेल्या राजकीय भूमिकेवर रोखठोक भाष्य केले होते. त्याला प्रतिसाद म्हणून नवनीत राणा यांनी यशोमती यांच्यावर आरोप लावले. 2019 च्या लोकसभा निवडणुकीत यशोमती ठाकूर यांनी रवी राणांकडून कडक नोटा घेतल्या आणि काम दुसऱ्याचं केलं असं विधान खासदार नवनीत राणा यांनी तिवसा येथे दहीहंडी स्पर्धेत केलं होतं.
तसेच दर्यापूर काँग्रेसचे आमदार बळवंत वानखेडे यांच्यावर रवी राणा यांनी खालच्या भाषेत टीका केली होती. यावर अमरावतीत युवक काँग्रेस आक्रमक झाली आहे. युवक कॉंग्रेसच्या पदाधिकाऱ्यांनी अमरावतीच्या सिटी कोतवाली पोलीस ठाण्यात याविरोधात तक्रार दाखल केली आहे. नवनीत राणा यांची ईडी व आर्थिक गुन्हे शाखेच्या मार्फत चौकशी करावी तसेच सार्वजनिक ठिकाणी आमदार बळवंत वानखेडे यांचा अपमान केल्याने रवी राणा विरुद्ध गुन्हा दाखल करण्याची मागणी युवक काँग्रेसचे वैभव देशमुख यांनी केली आहे.
