नेशन न्यूज मराठी ऑनलाइन टीम.
वर्धा/प्रतिनिधी – महाराष्ट्रात चोरी ,घरफोडी (Burglary) करणाऱ्या अनेक टोळ्या आहेत. ज्या नेहमी चोरीच्या संधीत सर्वत्र फिरत असतात. यांची नजर सतत बंद घरांवर असते. घरफोडी करणाऱ्या अशाच एका अट्टल आरोपीला वर्धा (Vardha) पोलिसांनी अटक केली आहे. या चोरट्याकडून ७ लाख २० हजारांचा ऐवज जप्त करण्यात आला आहे. वर्धा, सावंगी पोलिस ठाण्यात नोंद असलेले घरफोडीचे चार गुन्हे उघड करण्यात आले आहे.
आरोपीवर घरफोडी, चोरी, फसवणूक, घरफोडीचा प्रयत्न, जबरी चोरी आदी ९३ गुन्हे वेगवेगळ्या पोलिस ठाण्यात नोंद आहेत. आरोपीचे नाव प्रशांत काशीनाथ करोशी आहे. आरोपी हा कोल्हापुर जिल्ह्यातील करवीर तालुक्यातील इस्कुर्ली गावातील रहिवासी आहे. प्रशांतने देशातील वेगवेगळ्या राज्यात, विविध जिल्ह्यात जावून त्याने चोरी केली आहे. हैद्राबाद येथील उच्चभ्रु वस्तीत जावून चोरी करण्याचा त्याचा प्लॅन होता. बर्‍याच बँक लॉकरचीही मॅपवर प्रशांतने रेकी केली होती. पोलिसांच्या माहितीनुसार आरोपी प्रशांत करोशी याने यु ट्यूबवर (You tube) व्हिडीओ बघून त्याने चोरीचे प्रशिक्षण घेतले आहे. आरोपीची चौकशी सुरू असल्याची माहिती पोलीस अधीक्षक नुरूल हसन यांनी दिली.
