नेशन न्यूज मराठी टीम.
धुळे / प्रतिनिधी -धुळे शहरातील बाबा नगरात एकाला छतावर झोपने चांगलेच महागात पडले. चोरट्यांनी घरफोडी करीत रोकडसह तीन तोळे सोने व पाच ते सहा तोळे वजनाचे चांदीचे दागिने लंपास केले. या घटनेनंतर उशिरापर्यंत आझादनगर पोलिसात गुन्हा दाखल करण्याचे काम सुरू होते. आझाद नगर हद्दीतील बाबा नगरातील घर नं. ११२ मध्ये फिर्यादी राहतात. ते रात्रीच्या सुमारास घराला कुलूप लावून छतावर झोपले होते. ही संधी साधत चोरट्यांनी दरवाजाचे कुलूप तोडून घरात प्रवेश केला आणि लाखो रुपयांचे दागिने चोरट्यांनी लंपास केले.
धुळे शहरात सध्या चोरट्यांनी चांगलाच धुमाकूळ घातला आहे. चोरट्यांना जेर बंद करणे हे पोलिसांसमोर एक मोठे आव्हान उभे असतानाच आज पुन्हा परत चोरीची घटना घडली आहे. धुळे शहरातील बाबा नगर भागात असलेल्या फिर्यादीच्या घरात चोरट्यांनी रात्री प्रवेश करत कपाटातून ३ तोळे सोने व ५ ते ६ तोळे वजनाचे चांदीचे दागिने व १० ते १२ हजार रुपयांची रोकड असा लाखोंचा मुद्देमाल लंपास केला.
सकाळी किर्यादी कामावर जाण्यासाठी खाली आले असता घरात प्रवेश केल्यानंतर आपल्या घरात घरफोडी झाल्याचे त्यांच्या लक्षात आले. त्यांनी तत्काळ आझाद नगर पोलिस ठाण्याशी संपर्क साधला. पोलिसांनी घटनास्थळी भेट देत पाहणी केली. तसेच श्वान पथक, ठसे तज्ज्ञांना पाचारण केले. ठसे तज्ज्ञ धनंजय मोरे उपस्थित होते. चोरट्यांनी गजबजलेल्या भागात देखील घरांना लक्ष केले असल्यामुळे पोलिसांसमोर आता चोरट्यांना जेरबंद करण्याचे मोठे आव्हान असल्याच्या चर्चा शहरात होत आहे.
