नेशन न्यूज मराठी टीम.
नवी दिल्ली / प्रतिनिधी – राज्यातील आदिवासी समाजाच्या काही प्रश्नांबाबत विधानसभा उपाध्यक्ष नरहरी झिरवाळ यांच्या नेतृत्वाखाली मंत्री धर्मराव आत्राम व आठ आमदारांच्या शिष्टमंडळासह, राष्ट्रपती मुर्मू यांची राष्ट्रपती भवन येथे आज भेट घेतली.
या शिष्टमंडळामध्ये विधानसभा उपाध्यक्ष नरहरी झिरवाळ, अन्न व औषध प्रशासन मंत्री धर्मराव आत्राम, सर्वश्री सुनील भुसारा, दौलत दरोडा, हिरामण खोसकर, शांताराम मोरे, शिरिषकुमार नाईक, काशिराम पावरा, देवराम होळी, राजेश पाडवी व आमश्या पाडवी यांनी श्रीमती मुर्मू यांना राज्यातील आदिवासी समाजाच्या प्रश्नांबाबत निवेदन सादर केला.
याबैठकीनंतर, श्री झिरवाळ यांनी माध्यमप्रतिनिधींसोबत संवाद साधला व आदिवासी समाजातील ज्या समस्या आहेत त्या हक्काच्या ठिकाणी मांडाव्यात यासाठी दिल्लीत शिष्टमंडळासह दाखल झाल्याचे सांगितले, व राष्ट्रपती श्रीमती द्रौपदी मुर्मू यांनी त्यांच्या समस्या सोडविण्याबाबत सकारात्मक प्रतिसाद दिल्याचे श्री झिरवाळ यांनी यावेळी सांगतिले.
