नेशन न्यूज मराठी टीम.
जळगाव/प्रतिनिधी – समृद्धी महामार्ग हा होणार्या अपघातामुळे नेहमी चर्चेत असतो. त्यातच एका खाजगी बस चालक बस चालवितांना व्हिडीओ पहात असल्याचा व्हिडीओ समाज माध्यमांवर व्हायरल झाला आणि तो मोठा चर्चेचा विषय ठरला. पण वाहन चालाकांच्या चुकीची किंमत हि प्रवाशांना आपला जीव गमावून चुकती करावी लागत आहे, असे अनेक अपघात या महामार्गावर घडले आहेत. त्यामुळे प्रशासनाने ठोस पावले उचलत या बसवर जप्तीची कारवाई करत वाहन चालकावर गुन्हा दाखल केला आहे.
एक खासगी बसचालक कानात हेडफोन घालून समोर स्टेअरिंगवर मोबाइल ठेवून व्हिडीओ पाहून समृद्धी महामार्गावर बस चालवीत असल्याचा व्हीडिओ चांगलाच व्हायरल झाला होता. हा व्हिडीओ १५ ऑक्टोबर रोजी व्हायरल झाल्यानंतर जळगाव प्रादेशिक परिवहन कार्यालयाने या बसचा शोध घेतला. ही खासगी बस पुणे-नागपूर महामार्गावर धावणारी जळगावच्या संगीतम ट्रॅव्हलची असल्याचे स्पष्ट झाले. त्यानुसार जळगाव चे उपप्रादेशिक परिवहन अधिकारी शाम लोही यांच्यासह पथकाने ही खासगी बस जप्त केली आहे, तसेच या बसचे परमिट निलंबित करण्याबाबतचा प्रस्ताव पाठविण्यात आला आहे.
पुणे-नागपूर महामार्गावर धावत आसताना ट्रॅव्हलची बस जळगाव आरटीओ यांनी जप्त केली आहे. तिचा परवाना निलंबनाचा प्रस्ताव पाठविला आहे, तसेच संबंधित बसचालकाचा परवाना निलंबनाची कारवाई पुणे आरटीओ कार्यालयातसुरू असल्याची माहिती उपप्रादेशिक परिवहन अधिकारी श्याम लोही यांनी दिली आहे.
