नेशन न्यूज मराठी टीम.
धुळे / प्रतिनिधी – ओबीसी समाजाच्या आरक्षणाला धक्का न लावता मराठा समाजास आरक्षण द्यावे, अन्यथा तिव्र आंदोलन करू, असा इशारा अखिल भारतीय महात्मा फुले समता परिषदेच्या शिष्ठमंडळाने आज जिल्हाधिकाऱ्यांची भेट घेऊन मागणी केली.
यावेळी अखिल भारतीय महात्मा फुले समता परिषद धुळे जिल्हाध्यक्ष राजेश बागुल यांनी सांगितले की, मराठा समाजाला आरक्षण देण्यास विरोध नाही. मराठा समाजातील गोरगरीब समुहाला आरक्षण मिळणे आवश्यकच आहे, मात्र ओबीसी समाजाच्या आरक्षणाला धक्का न लावता मराठा समाजास आरक्षण द्यावे. मराठवाडयातील मराठा समाजाला कुणबी प्रमाणपत्र देऊ नये. मराठ्यांना कुणबी जातीचे प्रमाणपत्र दिल्यास संपुर्ण ओबीसी समाज गांवागांवात तीव्र आंदोलन करेल. व होणाऱ्या सर्व परिस्थितीला शासन जबाबदार असेल असे त्यांनी यावेळी सांगितले.
या आंदोलना वेळी भटु पगारे, अण्णा माळी, बापू महाजन, रवींद्र खैरनार, उमाकांत खलाने, रवींद्र माळी, उमेश महाजन, गुलाब माळी, राजकिशोर तायडे, गोकुळ पाटील, रवींद्र पाटील, चेतन सैंदाने, सोमेश्वर खलाने, विशाल जाधव यांच्यासह अन्य पदाधिकारी व कार्यकर्ते मोठ्या संख्येने उपस्थित होते.
