नेशन न्यूज मराठी ऑनलाइन टीम.
डोंबिवली/प्रतिनिधी – डोंबिवली पूर्वमध्ये असणाऱ्या एमआयडीसीमधील केमिकल कंपनीत काल मोठा स्फोट झाला. हा स्फोट इतका भयानक होता की काही क्षणातच कंपनी पूर्णपणे जळून खाक झाली. आगीनं रौद्ररूप धारण करत आसपासच्या तीन ते चार कंपन्याही आपल्या जवळ घेतल्या. संपूर्ण परिसरात धुराचे लोट पसरले आहे. स्फोटामुळे डोंबिवली आणि आजूबाजूचा परिसर हादरला. हा स्फोट इतका भीषण होता की, स्फोटामुळे डोंबिवलीतील रहिवाशी इमारतीच्या खिडक्यांच्या काचा फुटल्यात.
या अग्नितांडवात आता पर्यंत मृतांचा आकडा ९ वर पाेहचला असून जखमींची संख्या एकूण ६५ झाली आहे. मृतांचा आकडा अजून वाढण्याची शक्यता व्यक्त केली जात आहे. एनडीआरएफचे पथक व अग्निशामक दलाचे रेस्क्यू ऑपरेशन युद्धपातळीवर सुरू आहे. एमआयडीसी फेज मधील म्हात्रे पाडा, रिजेंसी इस्टेट, एमआयडीसी निवासी, सोनार पाडा इत्यादी भागात नुकसान झाले आहे. स्फोट झालेल्या परिसरातील नागरीक भयभयीत झाले आहे. काही महिन्याच्या अंतराने दुर्घटना होत असल्याने नागरिकांचा सुरक्षेचा प्रश्न निर्माण झाला आहे. त्याच बरोबर झालेल्या जिवित हानीला जबाबदार कोण? झालेल्या दुर्घटनेची जास्तीत जास्त दखल घेऊन कसूरवारास योग्य ती शिक्षा दिली पाहिजे अशी मागणी नागरिकांकडून होत आहे.
