नेशन न्यूज मराठी टीम.
नाशिक / प्रतिनिधी – नाशिक शहरालगत असलेल्या नाशिक महानगरपालिकेच्या कचरा डेपो बाहेर आज ठाकरे गटाच्या वतीने आंदोलन करण्यात आले. नाशिक शहरातून जमा करून आणणाऱ्या घंटागाड्या यावेळी ठाकरे घाटाकडून गेटवरच अडवण्यात आल्या होत्या. कचरा डेपो मधून कचऱ्याचा निचरा होऊन निघणाऱ्या दुर्गंधीत पाण्याची कायमस्वरूपी व्यवस्था करण्यासाठी ठाकरे गटासह कचरा डेपो परिसरातील रहिवाशांनी आणि काही ग्रामस्थांनी या ठिकाणी आंदोलन केले .
23 वर्षांपासून असलेल्या कचरा डेपो मधील दुर्गंधीयुक्त पाणी हे परिसरातील शेती आणि विहीर मध्ये उतरत असल्याने दूषित पाण्यामुळे नागरिकांचे आणि जनावरांचे आरोग्य धोक्यात आल्याचा आरोप यावेळी नागरिकांकडून करण्यात आला. यावर कायमस्वरूपी ड्रेनेज लाईन टाकून पाणी हे ड्रेनेजमध्ये सोडण्यात यावे अशी मागणी यावेळी करण्यात आली नाशिक ते ठाकरे गटाचे महानगर प्रमुख सुधाकर बडगुजर ,युवा सेना उपजिल्हाप्रमुख बाळकृष्ण शिरसाट , यांच्यासह कचरा डेपो परिसरातील ग्रामस्थांनी कचरा डेपोच्या प्रवेशद्वारावर बसून घेत आंदोलन केले.
यावर लवकरात लवकर तोडगा काढावा तसेच या समस्येचे निराकरण करावे अन्यथा हा आत्मदहन करण्यात येईल असा इशारा देखील यावेळी ग्रामस्थांनी दिला. यावेळी गावकऱ्यांनी आंदोलनाचा पवित्रा घेतल्यानंतर गेटवर रास्ता रोको करण्यात आला होता पोलिसांसह महानगरपालिकेच्या अधिकाऱ्यांनी घटनास्थळी धाव घेत त्यांची समजूत काढण्याचा देखील प्रयत्न केला.
