नेशन न्यूज मराठी टीम.
हिंगोली / प्रतिनिधी – सध्या महाराष्ट्रात मराठा समाज आरक्षण बाबत आपली ओबीसी समाजाची आरक्षण टक्केवारी कमी न करता मराठ्यांना आरक्षण द्यावे यासाठी ओबीसी समाज सरकारविरोधी निदर्शने करत आहे. या सगळ्या वातावरणात हिंगोलीतील सांस्कृतिक कार्यक्रम चांगलाच गाजला अन त्या कार्यक्रमाच्या विरोधात शिवसैनिक चांगलेच संतापले आहेत.शिंदे गटातील शिवसेनेचे खासदार हेंमत पाटील यांच्या हिंगोली शहरातील कार्यालयासमोर उद्धव ठाकरे गटातील शिवसैनिकांनी आंदोलन केले आहे.
सगळीकडे मराठा, धनगर आरक्षण आंदोलन सुरू आहे. अशातच शिंदे गटातील हिंगोलीचे खासदार हेमंत पाटील यांनी काही दिवसांपूर्वी हिंगोली शहरातील सांस्कृतिक कार्यक्रम घेण्यात आला. यामध्ये लावणीचा कार्यक्रम घेत होते याच्या निषेधार्थ आज उद्धव ठाकरे गटातील शिवसैनिकांनी खासदार हेमंत पाटील यांच्या कार्यालयासमोर आंदोलन केले. यामध्ये मोठ्या संख्येने शिवसैनिक सहभागी झाले होते.
