नेशन न्यूज मराठी ऑनलाईन टीम.
मुंबई/प्रतिनिधी – असं म्हणतात की लहान मुलं ही एका रोपाप्रमाणे असतात. आपण रोपाला जसे खत-पानी घालून त्याची काळजी घेतो. त्याचप्रकारे जर कोवळ्या वयातच जर लहान मुलांच्या अंगी चांगल्या संस्कारांची पेरणी केली तर मोठेपणी या मुलांना वाईट वळण लागत नाही शिवाय त्यांना एक चांगले आयुष्य जगायला मदत होते. मुलांमध्ये संस्कारांची पेरणी ही एक आई उत्तमप्रकारे करते, म्हणूनच जागतिक ‘मदर्स डे’ चं निमित्त साधून ‘बुनी बियर्स’ या लोकप्रिय अॅनिमेटेड चित्रपटाच्या मालिकेचा पुढचा भाग ‘बुनी बियर्स गारडियन्स कोड’ हा १० मे २०२४ रोजी भारतभर चित्रपटगृहांमध्ये प्रदर्शित होणार आहे.
अल्ट्रा मीडिया अँड एंटरटेनमेंट प्रस्तुत ‘बुनी बियर्स गारडियन्स कोड’ या चित्रपटाचा नुकतेच पोस्टर लॉंच झाले असून सर्व सोशल मिडियावर त्याला प्रचंड प्रतिसाद मिळतो आहे. चित्रपट इंग्रजी आणि हिंदी या दोन भाषांमध्ये प्रदर्शित होणार आहे. चित्रपटाची कथा धमाकेदार असून ती बघताना मुलांना फार मजा येणार आहे. चित्रपटाची कथा आणि यातील प्रसंग भारतातल्या चिमुलकल्यांसोबतच इतर सर्व रसिक प्रेक्षकांचे मन जिंकून घेणार आहे.
“मदर्स डेचं निमित्त साधून बालकांना जगण्याची चांगली शिकवण देणारा चित्रपट ‘बुनी बियर्स’ प्रदर्शित करताना मनापासून आनंद होत आहे. अशा अनेक नवनवीन अॅनिमेटेड चित्रपटांमधून मनोरंजनासोबतच लहान मुलांना धाडस आणि जिद्दीचं बाळकडू देण्याचा प्रयत्न आहे.” असे अल्ट्रा मीडिया अँड एंटरटेनमेंट प्रा.लिमिटेडचे सी.ई.ओ.सुशीलकुमार अग्रवाल म्हणाले.
