DESK MARATHI NEWS ONLINE.
डोंबिवली/प्रतिनिधी– आज पासून डोंबिवलीत भव्य गुलाब पुष्प प्रदर्शन बालभवन येथे सुरू करण्यात आले आहे. सार्वजनिक बांधकाम मंत्री रविंद्र चव्हाण यांच्या संकल्पनेतून सुरु झालेल्या डोंबिवली गुलाब पुष्प प्रदर्शनाचे यंदाचे १४ वे वर्ष आहे. आज या प्रदर्शनाचे उद्घाटन सार्वजनिक बांधकाम मंत्री रविंद्र चव्हाण यांच्या हस्ते करण्यात आले.
इंडियन रोझ फेडरेशन या अखिल भारतीय गुलाबप्रेमी संस्थेच्या वतीने महाराष्ट्रातील मोठमोठ्या गुलाब शेती करणाऱ्या व्यक्ती व संस्थांना डोंबिवली रोझ फेस्टिवलमध्ये निमंत्रित करण्यात आले आहे. मुंबई, पुणे, वांगणी, पनवेल, शहापूर, नाशिक येथून प्रदर्शक सहभागी झाले आहेत. शेकडो प्रजातीचे गुलाब या प्रदर्शनात ठेवण्यात आले आहेत. आज आणि उद्या हे गुलाब प्रदर्शन सुरू राहणार आहे.
Related Posts
