नेशन न्यूज मराठी ऑनलाइन टीम.
मुंबई/प्रतिनिधी – भारतीय सैन्याचे वाद्यवृंद कायमच सर्वसामान्य नागरिकांसाठी आकर्षणाचे केंद्रबिंदू ठरले आहे. सैन्याच्या वाद्यवृदांच्या अद्भूत कौशल्याची आणि प्रतिभेची ओळख मुंबईतील नागरिकांना व्हावी, या उद्देशाने भारतीय सैन्य तसेच बृहन्मुंबई महानगरपालिका यांच्या संयुक्त विद्यमाने मुंबईतील काही प्रमुख ठिकाणी भारतीय सैन्याच्या वाद्यवृंद पथकाचे वादनाचे कार्यक्रम आयोजित करण्यात आले. आज सायंकाळी सेल्फी पॉईंट, महानगरपालिका मुंबई येथे सैन्याच्या वाद्यवृंद पथकाचा वादनाचा कार्यक्रम आयोजित करण्यात आले आहे.
या कार्यक्रमास महानगरपालिका आयुक्त तथा प्रशासक भूषण गगराणी, अतिरिक्त महानगरपालिका आयुक्त (शहर) डॉ. अश्विनी जोशी, अतिरिक्त महानगरपालिका आयुक्त (पूर्व उपनगरे) डॉ. अमित सैनी, अतिरिक्त महानगरपालिका आयुक्त (प्रकल्प) अभिजीत बांगर, अतिरिक्त महानगरपालिका आयुक्त (पश्चिम उपनगरे) डॉ. सुधाकर शिंदे, लेफ्टनंट जनरल पवन चढ्ढा, मेजर जनरल बिक्रमदीप सिंग हे प्रमुख उपस्थित होते.
