नेशन न्यूज मराठी ऑनलाइन टीम.
कल्याण/प्रतिनिधी – भिवंडी (Bhiwandi) लोकसभा मतदारसंघ हा ठाण्यातील एक महत्त्वाचा मतदारसंघ समजला जातो. या मतदारसंघात महाविकास आघाडीकडून सुरेश म्हात्रे तर महायुतीकडून कपिल पाटील हे तीसऱ्यांदा निवडणूक लढणार आहेत. या पार्श्वभूमीवर कल्याणात महाविकास आघाडीचे उमेदवार सुरेश म्हात्रे उर्फ बाळ्या मामा यांचा प्रचार सुरू आहे.
सुरेश म्हात्रे (Suresh mhatre) यांच्या प्रचारासाठी कल्याणात ठाकरे गटाचा मेळावा पार पाडला. या मेळाव्यात निरंजन टकले, अनिश गाढवे यांच्यासोबत ठाकरे गटाचे उपनेते विजय साळवी, अल्ताफ शेख, शहर प्रमुख सचिन बासरे यांच्यासह शिवसेना पदाधिकारी कार्यकर्ते उपस्थित होते. कल्याणातील या कार्यकर्ता मेळाव्यात महाविकास आघाडीचे उमेदवार सुरेश उर्फ बाळ्या मामा म्हात्रे यांनी हजेरी लावली होती. “भिवंडी लोकसभा मतदारसंघाची विकासाची ब्लू प्रिंट घेऊन जनतेसमोर जाणार आहे. कपिल पाटील यांनी केलेली विकास कामे दाखवा अशी प्रतिक्रिया यावेळी सुरेश म्हात्रे यांनी दिली आहे.
