नेशन न्यूज मराठी ऑनलाइन टीम.
नवी मुंबई/प्रतिनिधी – गुन्हेगारीच्या घटनांमध्ये परदेशी नागरिकांचे वाढत चाललेले प्रमाण पोलिसांसाठी डोकेदुखी बनली आहे. नायजेरियन नागरिक पर्यटन, शिक्षण, व्यवसाय किंवा वैद्यकीय व्हिसावर भारतात येतात. त्यानंतर ते येथेच स्थायिक होऊन गैरधंदे करायला सुरुवात करतात. त्यांच्यासोबत अनेक स्थानिक तरुण-तरुणी या रॅकेटमध्ये सहभागी होतात. नवी मुंबईत अशाच एका नायजेरियन रॅकेटचा भांडाफोड पोलिसांनी केला आहे.
नवी मुंबई पोलिसांनी शहरात अंमली पदार्थांच्या तस्करीवर कारवाई करत नायजेरियन आरोपींना अटक केली आहे. या कारवाईत 24 कोटींहून अधिक किंमतीचे ड्रग्ज जप्त करण्यात आले आहेत. या कारवाईतील आरोपींविरोधात एनडीपीएस कायद्याच्या तरतुदींनुसार एफआयआर नोंदवण्यात आला आहे.
नवी मुंबईतील वाशीच्या कोपरीगाव येथे काही नायजेरियन नागरिक राहत असल्याच्या माहिती पोलिसांना मिळाली होती. या महितीच्या आधारावर पोलिसांनी २६ एप्रिल रोजी कोपरीगाव येथील सार्वजनिक शौचालयाच्या मागे असलेल्या एका इमारतीतील फ्लॅटवर छापा टाकला. या छाप्यात पोलिसांनी आरोपी नायजेरियन आरोपींना बेड्या ठोकल्या. ताब्यातील प्रतिबंधित ड्रग्ज जप्त करत पोलिसांनी 30 ते 50 वयोगटातील 11 जणांना अटक केली आहे. जप्त केलेल्या ड्रग्समध्ये कोकेन, एमडीएमए व मॉफेड्रिन यासोबत मोबाईल आणि इतर वस्तूही जप्त केल्या असून या सर्वांची एकूण किंमत सुमारे ५० लाख रुपये आहे. पोलिस अटक केलेल्या नायजेरियन नागरिकांची चौकशी करत आहेत.
