नेशन न्यूज मराठी ऑनलाइन टिम.
अमरावती/प्रतिनिधी – अमरावती जिल्ह्यातील तिवसा येथे काल भरदिवसा सुवर्णकाराच्या घरात घुसून त्याची निर्घृणपणे हत्या करण्यात आली होती. यात अज्ञात आरोपींनी सोने, चांदी व नगदी रोख रक्कम सह तब्बल 75 लाखांचा ऐवज लंपास गुन्हा दाखल केला होता. संजय मांडळे वय 54 वर्ष असं मृतक सुवर्णकाराचे नाव असून मृतक मांडळे हे आपल्या राहत्या घरी होते. दरम्यान घरी कोणी नसतांना अज्ञात चोरट्याने घरात शिरून धारधार शस्त्राने हत्या करून घरातून 75 लाखांचा मुद्देमाल चोरून नेला.
तिवसा पोलिसात खुणासह चोरीचा गुन्हा करण्यात आला होता. 24 तासानंतर अमरावती ग्रामीण जिल्हा पोलीस अधीक्षकांच्या पथकाने आरोपी रोशन तांबटकर वय 25 राहणार देऊरवाडा याला ताब्यात घेऊन विचारपूस करण्यात आली आरोपीने उडवा उडवीचे उत्तर दिले. पोलिसांनी आरोपीला पुन्हा विश्वासात घेऊन विचारपूस केली असताना आरोपीने गुन्ह्याची कबुली दिली व आरोपी कडून 7 लाख 75 हजार रुपयांचा माल जप्त करण्यात आला आहे. पुढील गुन्ह्याचा तपास पोलीस करीत आहे.
