नेशन न्यूज मराठी ऑनलाइन टीम.
जळगाव/प्रतिनिधी – देशभरात आज लोकसभा निवडणुकीच्या चौथ्या टप्प्यातील मतदान होत आहे. २०२४ ची लोकसभा निवडणूक महाराष्ट्राच्या राजकीय वर्तुळात घमासान सुरू आहे. चौथ्या टप्प्यात जळगाव जिल्ह्यातील रावेर लोकसभा मतदारसंघात मतदान प्रक्रियेला सकाळी सात वाजल्यापासून सुरुवात झाली. जवळपास 18 लाख मतदार हे मतदानाचा हक्क आज बजावणार आहेत. यासाठी ठीक ठिकाणच्या मतदान केंद्रावर पोलिस बंदोबस्त ठेवण्यात आला आहे. त्यामध्ये रावेर लोकसभा मतदारसंघातील भाजपाच्या विद्यमान खासदार रक्षा खडसे आणि राष्ट्रवादी शरद पवार गटाचे श्रीराम पाटील या दोघांमध्ये चुरस पहावयास मिळत आहे.
तसेच जळगाव मधील चोपडा तालुक्यातील मतदान केंद्रांवर सकाळपासूनच मतदान करण्यासाठी नागरिकांच्या रांगा लागल्याचे दृश्य होते. नागरिक आज मोठ्या प्रमाणावर मतदान करण्यासाठी घराबाहेर पडताना दिसत आहे. शहरातील प्रत्येक केंद्रावर वयोवृद्धांपासून, महिला ,नागरिक तसेच युवकांनी मतदान केले. कुठेही अनुचित प्रकार घडू नये यासाठी चोख बंदोबस्त लावण्यात आलेला आहे. या मतदान प्रक्रियेमध्ये पहिल्यांदा मतदान करणारे युवक देखील उत्साहाने मतदान करताना दिसत आहे.
