नेशन न्यूज मराठी टीम.
कल्याण/प्रतिनिधी – कल्याणात राहुल गांधी यांच्या वाढदिवसानिमित्त इंटक महाराष्ट्र प्रदेश कार्यालयाचे उद्घाटन करण्यात आले. काँग्रेस पक्षाचे युवराज राहुल गांधी यांच्या वाढदिवसानिमित्त इंटक काँग्रेसतर्फे कल्याणमध्ये विविध कार्यक्रमांचे आयोजन करण्यात आले होते. राहुल गांधी यांच्या वाढदिवसानिमित्त इंटकचे प्रदेशाध्यक्ष प्रकाश मुथा यांनी करून प्रदेश कार्यालयाचे उद्घाटन केले.
नुकतेच पक्षाच्या हायकमांडने प्रकाश मुथा यांची इंटकच्या प्रदेशाध्यक्षपदी निवड केली आहे. राज्य कार्यालयाच्या उद्घाटनानंतर जनतेला संबोधित करताना मुथा म्हणाले की, इंटकच्या माध्यमातून गरीब मजूर व कामगारांच्या प्रत्येक समस्या सोडविल्या जातील. संघटनेत माणसे जोडणे हे आमचे पहिले प्राधान्य असेल, असे ते म्हणाले. या समारंभात आलेल्या पाहुण्यांचे आभार व्यक्त करताना मुथा म्हणाले की, आपल्याला संघटना मजबूत करायची असून त्यासाठी तुमची साथ व सहकार्य आवश्यक आहे.
यावेळी इंटकचे प्रदेश सरचिटणीस राजन भोसले, काँग्रेस नेते व मुंबईचे माजी उपमहापौर राजेश शर्मा, डॉ.डी.एस.पालीवाल, काँग्रेसचे माजी जिल्हाध्यक्ष जयनारायण (मुन्ना) पंडित, कमलादेवी महाविद्यालयाचे अध्यक्ष सदानंद (बाबा) तिवारी, संदीप नहरी, डॉ. , जयदीप सानप, राजा जाधव, युवा नेते अविनाश मुथा, माया कटारिया यांच्यासह मोठ्या संख्येने कार्यकर्ते व नागरिक उपस्थित होते.
