नेशन न्यूज मराठी टीम.
संगमनेर/प्रतिनिधी – संगमनेर शहर पोलीस स्टेशन हद्दी मधुन तसेच परिसरामधुन मोटार सायकल चोरीचे प्रमाण वाढले होते. मोटार सायकल चोरी हा गंभीर विषय झाल्याने पोलीस अधीक्षक राकेश ओला यांनी मोटार सायकल चोरी करणाऱ्या आरोपितांना पकडण्यासाठी एक पथक स्थापन करत तब्बल 51 मोटारसाकली हस्तगत केल्या आहेत.
संगमनेर शहर पोलीस निरीक्षक भगवान मथुरे यांनी एका तपास पथकाची स्थापन करुन गुन्ह्यातील आरोपितांचा शोध घेऊन व चोरी गेले मुद्देमाल हस्तगत करण्याबाबत सुचना दिल्या होत्या. संगमनेर शहर पोलीस स्टेशन व परिसरातून चोरीस गेलेल्या मोटार सायकलच्या दाखल गुन्ह्याच्या फिर्यादीची पाहणी करुन नव्याने दाखल झालेल्या गुन्हे घडले ठिकाणाचे सी.सी.टी.व्ही. फुटेज चेक केले. त्यामधील आरोपीची खात्री पटून घुलेवाडी, संगमनेर येथील काही आरोपींना विश्वासात घेवुन त्यांचेकडे संगमनेर शहर पोलीस स्टेशन हद्दी मधील व परिसरातील मोटार सायकल बाबत सखोल चौकशी केली.
यावेळी त्यांनी शिर्डी, आश्वी, घारगांव बोटा, राजुर, कोपरगाव, श्रीरामपुर, नेवासा, वावी नांदुर शिंगोटे, नाशिक, देवळाली, एम.आय.डी.सी. सिन्नर येथून चोरी केलेल्या मोटार सायकलची माहीती देत अन्य आरोपींची नावे सांगितली आहेत. गुन्ह्याचा अधिक तपास पोलीस निरीक्षक भगवान मथुरे, संगमनेर शहर पोलीस स्टेशन यांच्या मार्गदर्शानाखाली चालू आहे. सर्व नागरिकांना यावेळी आव्हान करत ज्यांच्या मोटार सायकल मालकांशी संपर्क होऊ शकला नाही. त्यांनी मोटार सायकलचा चेसी नंबर, इंजीन नंबर व पासिंग नंबर चेक करुन संगमनेर शहर पोलीस स्टेशन येथे संपर्क करावा, असे आवाहन संगमनेर पोलिसांकडून करण्यात आले.
