नेशन न्यूज मराठी टीम.
अकोला/प्रतिनिधी – महापालिकेने वाढविलेला अवाजवी घर कर रद्द करण्यात यावा, चुकीची पाणी करवसुली थांबविण्यासह शहरातील सर्वसामान्यांच्या विविध प्रश्नांवर वंचित बहुजन आघाडी अकोला महानगरच्यावतीने आज अकोला महानगरपालिकेवर हजारो अकोलेकरांच्या उपस्थितीत धडक मोर्चा काढला. झोपलेल्या मनपा प्रशासनाविरोधात घोषणाबाजी करण्यात आली. घोषणाबाजीने परिसर दणाणून गेला होता. अकोला महानगरपालिकेने वाढविलेला अवाजवी घर कर रद्द करण्यात यावा, चुकीची पाणी करवसुली थांबविण्यात यावी, पिंपरी चिंचवड महानगरपालिकेच्या धर्तीवर शहरातील अनधिकृत बांधकामे अधिकृत करण्यात यावे, महामानव डॉ. बाबासाहेब आंबेडकर खुले नाट्यगृहाचे सौंदर्यीकरण करून परिसरात घाण कचरा करणाऱ्यांवर दंडात्मक कारवाई करण्यात यावी, शहरातील कलावंतांसाठी सांस्कृतिक भवन सुरू करण्यात यावे, मनपा हद्दीतील दवाखान्यांमध्ये अत्याधुनिक सेवा देण्यात यावी, अतिक्रमित जागा नियमाकूल करून घरकुलांचा प्रश्न तातडीने मार्गी लावण्यात यावा, शहरातील घनकचरा व्यवस्थापन व विल्हेवाट लावण्यासाठी कायमस्वरूपी डम्पिंग ग्राऊंडची व्यवस्था करण्यात यावी, न्यू तापडिया नगरजवळील रेल्वे गेट उडाणपुलाचे काम तातडीने पूर्ण करण्यात यावे तसेच मनपा हद्दवाढीत समाविष्ट गावांच्या भागात मूलभूत सुविधा देण्यात याव्या आदी मागण्यांना घेऊन झोपलेल्या मनपा प्रशासनाला जागे करण्यासाठी वंचित बहुजन आघाडीच्या वतीने भव्य मोर्च्याचे आयोजन करण्यात आले होते.
यावेळी महानगराध्यक्ष तथा जि.प.सदस्य शंकरराव इंगळे यांच्यासह कलीम पठाण, महिला आघाडी महानगराध्यक्ष वंदनाताई वासनिक, युवा आघाडी महानगराध्यक्ष आशिष मांगुळकर, जय तायडे यांच्या नेतृत्वात सोमवारी (ता.२०) अकोला महानगरपालिकेवर धडक मोर्चा काढण्यात आला. या मोर्चात वंचित बहुजन महिला आघाडीच्या प्रदेश महासचिव अरुंधती शिरसाट, माजी जि.प.अध्यक्ष बालमुकुंद भिरड, जिल्हा महासचिव मिलिंद इंगळे, महिला आघाडी जिल्हाध्यक्षा प्रभाताई शिरसाट, वंचितचे नेते निलेश देव, मनोहर पंजवाणी, माजी गटनेते गजानन गवई, माजी नगरसेविका किरण बोराखडे, प्रा. संतोष हुसे, दामोदर जगताप, अॅड. संतोष राहाटे, माजी सभापती आकाश शिरसाट, शोभाताई शेळके, सुवर्णा जाधव, सरला मेश्राम, पराग गवई, सीमांत तायडे, नितेश कीर्तक, बुध्दरत्न इंगोले, राहुल अहिरे, माजी नगरसेवक रामा तायडे, श्रीकांत घोगरे, राजकुमार दामोदर, सुनिता गजघाटे, प्रतिभा अवचार, कुणाल राऊत, मनोहर बनसोड, अॅड. मिनल मेंढे, अमोल कलोरे, नितीन सपकाळ, गजानन दांडगे, प्रा. सुरेश मोरे, संतोष गवई, रितेश यादव, प्रदिप चौरे, मंतोषी मोहोड, पुरुषोत्तम अहिर, विजय तायडे, सुजित तेलगोटे, आदित्य इंगळे, प्रविण पातोडे, महेंद्र डोंगरे, शंकर लाजुसकर, सुरेश कलोरे, पप्पु मोरे, मिलिंद आकोडे, रमाबाई गवई, माया इंगळे, मंगला घाटोळ, संगीता खंडारे, उमा अंभोरे, पार्वताबाई लहाणे यांच्यासह हजारोंच्या संख्येने वंचित बहुजन आघाडीचे पदाधिकारी, कार्यकर्ते व महानगरातील नागरिक उपस्थित होते.
