नेशन न्यूज मराठी टीम.
कोल्हापूर/प्रतिनिधी – बिंदू चौकात सुरु झालेली ही पदयात्रा शिवाजी रस्ता मार्गे शिवाजी चौक तिथून भाऊसिंगजी रस्त्याने महानगरपालिका मार्गे सीपीआर चौकात येऊन राजर्षी छत्रपती शाहु समाधी स्थळावर तिची सांगता झाली. वाढती महागाई , बॅलेट पेपरवर निवडणुका घ्याव्यात, तसेच केंद्र आणि राज्य सरकारच्या धोरणाच्या निषेधार्थ वंचित बहुजन आघाडीची कोल्हापूरात भव्य पदयात्रा काढण्यात आली होती .
राज्य सरकार चुकीची धोरणे राबवून संविधान धोक्यात आणण्याचे काम करत आहे. जो काही छुपा अजेंडा राज्य सरकार राबवत आहे तो जनतेसमोर यावा अशी मागणी कोल्हापूरच्या प्रभारी डॉक्टर क्रांतीताई सावंत यांनी यावेळी केली.राज्य सरकारने या आंदोलनाची दखल घेऊन महागाई कमी करावी. अन्यथा राज्यभर तीव्र आंदोलन करण्यात येईल असा इशारा वंचित बहुजन आघाडीचे कोल्हापूरचे निरीक्षक अतुल बहुले यांनी दिला.
या सरकारचं करायचं काय खाली डोकं वर पाय, डॉ बाबासाहेब आंबेडकरांचा विजय असो, छत्रपती शाहु महाराजांचा विजय असो, छत्रपती शाहु महाराजांचा विजय असो अशा घोषणांनी कार्यकर्त्यांनी परीसर दणाणून सोडला.ही पदयात्रा शाहु महाराज समाधी स्मारकावर पोहचण्यापूर्वी पदाधिकाऱ्यांनी भाऊसिंगजी रस्त्यावर ज्या ठिकाणी छत्रपती राजर्षी छत्रपती शाहु महाराजांनी गंगाराम कांबळे यांना हॉटेल काढून दिले त्या ऐतिहासिक ठिकाणी भेट दिली. राजर्षी छत्रपती शाहू महाराज यांच्या समाधी स्थळावर राजर्षी शाहू महाराजांना अभिवादन करून या सांगता करण्यात आली.
कार्यक्रमाचे अध्यक्ष मिलींद पवार, पदयात्रेचे नेत्रुत्व डॅा. क्रांतीताई सावंत यांनी केले यावेळी कोल्हापूरचे निरीक्षक अतुल बहुले यावेळी उपस्थित होते.
