नेशन न्यूज मराठी टीम.
धुळे/प्रतिनिधी – मुंबई-आग्रा राष्ट्रीय महामार्गावर 70 पेक्षा जास्त प्रवाशांनी भरलेली ट्रॅव्हल्स तोल गेल्याने,पलटी झाली.सुदैवाने यात जिवीतहानी टळली असून एका चार वर्षीय मुलीच्या हाताला जबर दुखापत झाल्याची घटना घडल्याची देखील माहिती समोर येत आहे. मिळालेल्या प्राथमिक माहिती नुसार पुण्याहून उत्तरप्रदेश कडे जाणाऱ्या यूपी 55 एटी 1893 क्रमांकाच्या खाजगी ट्रॅव्हल्सचा मुंबई आग्रा राष्ट्रीय महामार्ग क्रमांक तीनवरील नरडाणा गावापासून काही अंतरावर तोल गेल्याने अपघात झाल्याची घटना आज घडली आहे.
या ट्रॅव्हल्स मध्ये 70 पेक्षा जास्त प्रवासी असल्याची माहिती मिळाली असुन या घटनेत २० प्रवासी गंभीर जखमी झाले असून दोन जणांची प्रकृती असल्याची माहिती समोर येत आहे. घटनेची माहिती प्राप्त होताच घटनास्थळी नरडाणा पोलीसांसह स्थानिक नागरिकांनी धाव घेत मदतकार्य सुरु केले असून जखमी झालेल्या प्रवासांना धुळे जिल्हा रुग्णालय येथे पुढील उपचारासाठी पाठवण्यात आले आहे.
मुंबई आग्रा महामार्गावर अपघात झालेल्या ट्रॅव्हल्स मधील प्रवासींना तात्काळ बाहेर काढण्यात आले. सुदैवाने या अपघातात जीवीत हानी टळली असून एका मुलीच्या हाताला गंभीर दुखापत झाली तर 21 प्रवासी किरकोळ जखमी झाले घटनास्थळी महामार्ग पोलीसांकडून देखील मदतकार्य सुरु आहे. प्रवासींचा सामान मोठ्या ट्रॅव्हल्सच्या वर ठेवण्यात आल्याने ट्रॅव्हल्सने झोल घेत पलटल्याने घटना घडली असल्याचे नागरिकांकडून सांगण्यात आले आहे.
