नेशन न्यूज मराठी टिम.
बुलढाणा/प्रतिनिधी – बुलढाणा जिल्ह्यातील खामगाव येथे ड्रग्ज ची तस्कारी होत असल्याची माहिती खामगाव शहर पोलिसांना मिळाली होती. त्या माहितीच्या आधारे पोलिसांनी बसस्थानकावरून एका व्यक्तीस अटक केली असून त्यांच्याकडून ड्रग्ज तसेच अमली पदार्थ जप्त केले असून त्यांच्याविरुद्ध गुन्हा दाखल केला आहे. खामगाव शहर पोलीस स्टेशन चे उपनिरीक्षक पंकज जगन्नाथ सपकाळे यांना मिळालेल्या गुप्त माहितीच्या आधारे बसस्थानक परिसरात रात्री 3:20 वाजताच्या सुमारास रेड टाकली असता शब्बीर खान उस्मान खान पठाण वय 35 वर्ष (रा. फुलवाडी निंबायत सुरत,गुजरात) यास ताब्यात घेतले.
त्यांच्याकडून नगदी 1400 रुपये, दोन मोबाईल, 10 mg च्या 18 नग गोळया ,1.50 ग्रॅम MD ड्रग्ज अंमली पदार्थ, ग्लुकोज असे नमुद असलेला हिरव्या रंगाचा कागदी डबा, ज्यामध्ये प्लास्टीक पन्नीत पांढऱ्या रंगाची पावडर असा 25 हजार 517 रुपयांचा मुद्देमाल मिळून आला असून आरोपी विरूद्ध कलम 8 (क), 21 (अ), 22 (अ) एन.डी.पी.एस. अॅक्ट प्रमाणे शहर पोलिसात गुन्हा दाखल केला तर तपासा दरम्यान या प्रकरणात आरोपी वाढण्याची शक्यता असल्याची माहिती उपभागीय पोलीस अधिकारी यांनी दिली आहे.
