नेशन न्यूज मराठी टीम.
कल्याण/संघर्ष गांगुर्डे – बालकांचा मोफत व सक्तीच्या शिक्षणाचा अधिकार अधिनियम २००९ मधील कलम १२ (२) (सी) नुसार खाजगी विनाअनुदानित व कायम विनाअनुदानित (अल्पसंख्याक वगळून) मध्ये शाळांनी निश्चित केलेल्या प्रवेशस्तर वर्गात बालकांसाठी 25% प्रवेश राखीव ठेवण्यात आलेले आहेत. सन 2023 2024 या शैक्षणिक वर्षाकरिता ऑनलाईन प्रवेश प्रक्रीया राबविण्यात येत असून प्रथम फेरी मधील प्रतिक्षा यादीतील निवड झालेल्या बालकांच्या प्रवेश प्रक्रीयेची सुरुवात दिनांक 13/04/2023 पासून सुरु होणार असून पालकांना SMS द्वारे अवगत होणार आहे.
पालकांनी केवळ SMS वर अवलंबून न राहता RTE PORTAL वर बालकाचा अर्ज क्रमांक टाकून अर्जाची स्थिती पहावी, निवड झालेल्या बालकांच्या प्रवेश निश्चितीसाठी अलोटमेंट लेटर व आवश्यक कागदपत्रांची तपासणी के. शंकरराव झुंझारराव मनपा शाळा क्रमांक १ गांधीचौक, बारदान गल्ली, कल्याण पश्चिम या पडताळणी केंद्रामध्ये पडताळणी समितीकडून शासनाने निश्चित केलेल्या दिनांक 13/04/2023 ते दिनांक 25/04/2023 या कालावधीमध्ये कार्यालयीन व शासकीय सुटीचे दिवस वगळून दिलेल्या मुदतीत करण्यात येणार आहे.अशी माहिती शिक्षण विभाग कल्याण डोंबिवली महानगरपालिका यांच्याकडून देण्यात आली आहे.
तरी निवड झालेल्या बालकांच्या पालकांनी महाराष्ट्र शासन शालेय शिक्षण व क्रीडा विभागाच्या https://rte25admission.maharashtra.gov.in/adm_portal/Users rteindes या RTE PORTAL वर त्यांच्या लॉगीनमध्ये अॅलोटमेंट लेटरची प्रिंट काढावी. सदर अलोटमेंट लेटर व प्रवेश प्रक्रीयेकरिता आवश्यक कागदपत्रे मुळ प्रतीसह छायांकित प्रतीचा दोन संच घेऊन पडताळणी केंद्रावर उपस्थित राहून पडताळणी समितीकडून दिनांक 13/04/2023 ते दिनांक 25/04/2023 या कालावधीमध्ये कार्यालयीन व शासकीय सुट्टीचे दिवस वगळून दिलेल्या मुदतीत कागदपत्रांची तपासणी करावी असे आवाहन शिक्षण विभाग कल्याण डोंबिवली महानगरपालिकेचे प्र. प्रशासन अधिकारी व्ही. व्ही. सरकटे यांच्या कडून करण्यात येत आहे.
