नेशन न्यूज मराठी टीम.
नांदेड प्रतिनिधी – नांदेड जिल्ह्यातील नायगांव शहरातील एसबीआय बँकेचे एटीएम मशीन फोडताना एका चोरट्याला नायेगाव पोलिसांनी रंगेहाथ पकडले. पहाटेच्या सुमारास नायगांव येथील पोलिस गस्तीवर असताना पोलिसांच्या लक्षात ही घटना आल्याने लाखो रुपयांची चोरी टाळण्यात पोलिसांना यश आले. आरोपीला पोलिसांनी अटक केली असून त्यांच्याजवळून एटीएम फोडण्यासाठी लागणारे साहित्य आणि एक आधुनिक मशीन पोलिसांनी जप्त केली.
नांदेडमध्ये एटीएम फोडून त्यातील रोकड पळवण्याच्या अनेक घटना यापूर्वी घडलेल्या आहेत, त्यात या चोरट्याचा सहभाग असण्याची शक्यता वर्तवली जातेय.त्या दृष्टीने नायगांव पोलीस अधिकचा तपास करत आहेत. चोरटा एटीएम फोडत असताना तिथल्या सीसीटीव्ही कॅमेरात कैद झाला असून नायगांव येथिल पोलिस तपास अधिकाऱ्याने योग्यरीत्या तपास केल्यास एटीएम मशीन फोडीचे अनेक गंभीर गुन्हे उघड होण्याची शक्यता ही वर्तवली जात आहे. या प्रकरणाचा कसून तपास सुरू असल्याची माहिती तपास अधिकारी ओमकांत चिंचोलकर यांनी दिली.
