नेशन न्यूज मराठी टीम.
पंढरपूर – पंढरपूर तालुक्यातील लक्ष्मी टाकळी येथे गाडी आडवी लावली म्हणून विचारणा केली असता एका टोळक्याने तलवारीने पोलिसावर हल्ला केल्याची घटना घडली आहे ही घटना बुधवारी दुपारच्या सुमारास घडली आहे यामुळे सोलापूर जिल्हा पोलिस दलामध्ये एकच खळबळ उडाली आहे या प्रकरणी मुख्य आरोपीसह तिघांना अटक करण्यात आली.
पोलिसांनी दिलेल्या माहितीनुसार पंढरपूर तालुक्यातील लक्ष्मी टाकळी येथे पंढरपूर तालुका पोलीस ठाण्यातील कर्मचारी स्वप्निल वाडदेकर हे आपल्या सहकाऱ्यांसोबत लक्ष्मी टाकळी येथे गेले होते मात्र ज्या ठिकाणी पोलीस गाडी लावण्यात आली होती. त्याठिकाणी स्कार्पिओ मध्येच उभा करण्यात आली होती. त्यामुळे त्या संदर्भात विचारणा करण्यासाठी केली असता सुजित भोसले यांनी स्कार्पिओ बद्दल विचारतो म्हणून स्वप्नील वाडदेकर यांच्यासह तीन साथीदारांनी याच्यावर तलवारीने हल्ला चढवला. या हल्ल्यामध्ये स्वप्नील वाडदेकर हे गंभीर जखमी झाले आहेत.
अशा प्रकारे पोलिसांवरच तलवारीने हल्ला केल्यामुळे पंढरपूर तालुक्यातील गावगुंडांची दहशतीचं दर्शन दिसून आले आहे पंढरपूर तालुका पोलिसांनी याबाबत कठोर भूमिका घेत सुजित भोसले सह तिघाजणांना तत्काळ अटक करण्यात आली आहे
