नेशन न्यूज मराठी टीम.
डोंबिवली/प्रतिनिधी – डोंबिवली येथील पश्चिमकडील जुनी डोंबिवली रस्त्याकडे पालिका प्रशासनाने नेहमीच दुर्लक्ष केले असल्याचा होत होता. त्यामुळेच मागील दोन वर्षे माजी नगरसेवक विश्वनाथ राणे यांनी खासदार डॉ. श्रीकांत शिंदे यांच्याकडे या जुनी डोंबिवली रस्त्याच्या काँक्रीटीकरण कामासाठी पाठपुरावा केला. खासदार डॉ. शिंदे यांनी या रस्त्यासाठी 13 कोटी 50 लाख रुपयांचा निधी एमएमआरडीएच्या माध्यमातून मिळवून दिला आणि त्यामुळेच हा रस्ता आता काँक्रीटचा होणार असून इतर चालण्यासाठी पदपथ अशा सुविधा मिळणार आहेत. काँक्रीटीकरणामुळे मुख्य म्हणजे आता पावसाळ्यात आता रस्त्यावर खड्डे पडणार नाहीत आणि रस्ता सुरळीत होणार असल्याचे वाहतूक कोंडी होणार नाहीत.
जुनी डोंबिवली येथील रेल्वे स्टेशनजवळील जोंधळे चौक ते जुनी डोंबिवली गांव रेल्वे अंडरपास अशा काँक्रीटीकरण रस्त्याच्या कामाचे भूमिपूजन कॅबिनेट मंत्री रवींद्र चव्हाण आणि खासदार डॉ. श्रीकांत शिंदे यांच्या हस्ते झाले. यावेळी माजी महापौर विनिता राणे, गोपाळ लांडगे, भाऊसाहेब चौधरी, राजेश मोरे, दिपेश म्हात्रे, रणजित जोशी, वृषाली जोशी, अजय पांचाळ, आत्माराम नाटेकर, भाजपचे शशिकांत कांबळे, राहुल दामले, कृष्णा पाटील, समीर चिटणीस आदी उपस्थित होते.शहरातील खड्डेमय रस्त्यांचा प्रश्न कायमचा सोडविण्यासाठी शहरातील गल्लोगल्ली सिमेंट काँक्रीट रस्ते आणि त्याचबरोबर मुख्य रस्ते काँक्रीटीकरण करण्यावर शिंदे यांनी भर दिला आहे. सार्वजनिक बांधकाम मंत्री रवींद्र चव्हाण यांनीही त्यांच्या मंत्रालयामार्फत काँक्रीटीकरण रस्त्यासाठी वेगळा निधी दिला असल्याने आता शहरात सगळीकडे रस्ते चकाचक करण्यावर भर दिला जात आहे.
