नेशन न्यूज मराठी ऑनलाइन टीम.
मुंबई/प्रतिनिधी – स्त्रीच्या सौंदर्यात भर टाकतो तो तिचा गोजिरवाणा चेहरा. पण जर एखाद्या स्त्री ने पुरुषाला नकार दिला किंवा कोणत्याही वादामुळे प्रतिशोध घेण्याच्या हेतुतून समाजातील काही विक्षिप्त लोक स्त्रियांवर ॲसिड हल्ला करतात. अशा अगणित घटना देशात आजवर घडल्या आहेत. पण जर ॲसिड हल्ला झालेल्या स्त्रीच्या या विद्रूपावस्थेचा कोणी सूड घेतला तर? अशीच एक भयाण आणि समाजाला काळं फासणारी कथा अल्ट्रा झकास घेऊन आली आहे. दाक्षिणात्य ‘ॲसिड’ (आघात) चित्रपटाचा अल्ट्रा झकास(Ultra zakas) या मराठी ओटीटीवर ३ मे २०२४ रोजी वर्ल्ड डिजिटल प्रीमियर होणार आहे.
केरळमधील ॲसिड(Acid) हल्ल्यातील गुन्हेगार राज्याच्या विविध भागातून बेपत्ता होतात. ॲसिड हल्ल्यात बळी पडलेल्या मुलींच्या घरासमोर या गुन्हेगारांना त्यांच्या कापलेल्या लिंगासह टाकण्यात येते. या वारंवार घडणाऱ्या घटना समाजात व्हायरल होतात आणि लोक त्यावर आपल्या प्रतिक्रिया देऊ लागतात. मात्र ही कृत्ये करणाऱ्या अज्ञात कोण आहे याचा सुगावा लागत नाही. नेमका कोण असेल हा अज्ञात, हे चित्रपटात कळणार आहे. चित्रपट हा मूळ मल्याळम भाषेत असून याचे मराठी रूपांतर प्रेक्षकांना पहायला मिळणार आहे.
“समाजात विक्षिप्त मानसिकतेचे लोक आणि त्यांचे विक्षिप्त कृत्य मनाला हेलावून टाकणारे असतात. समाजातील ही विक्षिप्तता दाखवणारा ‘ॲसिड’ (आघात) चित्रपट प्रेक्षकांना सादर करून जागरूकता निर्माण करण्याचा आमचा प्रयत्न आहे.” असे अल्ट्रा मीडिया अँड एंटरटेंनमेंट प्रा. लिमिटेडचे सी.ई.ओ. सुशीलकुमार अग्रवाल म्हणाले.
