डोंबिवलीत मसाल्याच्या गोदामात चोरी,घटना सीसीटिव्हीमध्ये कैद

प्रतिनिधी.

डोंबिवली – ३१ डिसेंबरच्या पहाटे सुनीलनगर मधील एका मसाल्याच्या गोदामात शटर उचकटून चोरट्याने तब्बल १५ हजार रुपयांची चिल्लर आणि ५ हजार रुपयांचे मसाले,पापड,लोणची चोरल्याची घटना घडली.ही घटना सीसीटिव्हीमध्ये कैद झाली असून याप्रकरणी रामनगर पोलिस ठाण्यात गुन्हा दाखल करण्यात आला आहे.  ३१ डिसेंबरच्या पहाटे पावणे चारच्या सुमारास सुनीलनगर येथील मच्छिंद्र कुटे यांच्या गोडाऊनवर मास्क घालून आलेल्या चोरट्याने शटर उचकटले. गोदामात जाऊन तब्बल १५ हजार रुपयाची चिल्लर, मसाले पापड आणि लोणची यांच्या पाकटे चोरली.चोरीचा हा प्रकार गोदामातील सीसीटिव्ही मध्ये कैद झाला आहे. रामनगर पोलिसांनी सीसीटिव्हीच्या आधारे चोरट्याचा शोध सुरू आहे.