नेशन न्यूज मराठी ऑनलाईन टीम.
नाशिक /प्रतिनिधी – भारतातील प्रत्येक दुकानात तंबाखू ,पानमसाला मिळतो. अगदी कॉलेजमध्ये शिकणाऱ्या विद्यार्थ्यांपासून ते वयस्कर लोकांपर्यंत तंबाखू ,पानमसाला आणि गुटखा खाणार मोठा वर्ग आहे. गुटखा आणि तंबाखूच्या नियमित सेवणाने तोंडाचा कर्करोग सुद्धा होऊ शकतो. तरीही कित्येक दुकानदार तंबाखू,पानमसाला आणि गुटख्याची अवैध विक्री करतात.
गुन्हे शाखा, युनीट १, नाशिक शहर कडील नेमणुकीचे पोहवा प्रदिप म्हसदे यांना गोपनीय माहीती मिळाली की, ट्रक क्रमांक एम.एच १२-एम.व्ही-७५१० मध्ये दोन इसम हे प्रतिबंधीत असलेला पानमसाला व सुगंधीत तंबाखू (गुटखा) गाडीमध्ये भरून अवैध विक्री करण्याच्या उद्देशाने पेठरोड कडुन भक्तीधामकडे येणार आहेत अशी माहीती वपोनिरी मधुकर कड यांना कळविली मिळाली, त्यांनी थोडाही वेळ वाया न घालवता सपोनि/हेमंत तोडकर, पोउपनि/गजानन इंगळे, यांच्या पथकाला कायदेशीर कारवाई करण्याचे आदेश दिले.मोती सुपर मार्केट समोर, पेठरोड पंचवटी येथे सांनी सापळा रचला आणि त्यांना एक भगवा व सफेद रंगाचे प‌ट्टे असलेला ट्रक क्रमांक.MH.12 MV.7510 येताना दिसला.संशयित ट्रक पोलिसांनी थांबवला असता त्यातून चालक व क्लिनर खाली उतरले. पोलिसांनी त्यांना त्यांचे नाव-गाव विचारले असता त्यांनी अमोल ज्ञानोबा इंगुळकर, चालक, रा.कामथही ता.भोर जि.पुणे, जाबीर अफजल बागवान,क्लीनर, रा.बुधवार पेठ, बाराटक्के चौक सातारा असे सांगितले.
सदर ट्रक मध्ये काय आहे या बाबत विचारपुस केली असता युवकांनी ट्रक मध्ये हिरा पानमसाला व सुगंधित तंबाखु असल्याबाबत सांगितल्याने ट्रकची झडती घेतली गेली. सदर ट्रक मध्ये विक्रीसाठी आलेला एकूण 18 लाख 57 हजार 120 रूपये किंमतीचा महाराष्ट्र शासनाने प्रतिबंध केलेला पानमसाला व सुगंधी तंबाखू असा गुटखा अशोक लेनन ट्रकमध्ये वाहतुक करताना मिळाला. ट्रकसह एकूण ३०,०७,१२०/- रूपये किंमतीचा मुददेमाल जप्त करण्यात आला. आरोपीन विरुद्ध पंचवटी पोलीस ठाणे येथे गुन्हा दाखल केला असुन सदर गुन्ह्याचा तपास पंचवटी पोलीस ठाणेकडील सपोनि/पडोळकर हे करीत आहेत.
