डोंबिवली रेल्वे स्थानकातील सरकता जिना बंद असल्याने प्रवाशांची गैरसोय

कल्याण/प्रतिनिधी – सध्याच्या घडीला उन्हाळ्याचे दिवस असून अनेक नागरिकांना उष्माच्या त्रासाने प्रवास करुन आल्यानंतर जिने चढून प्रवास करणे शक्य होत नाही. सामानाची वाहतूक करणारे प्रवासी, दिव्यांग, ज्येष्ठ नागरिक, महिला यांसह सर्वसामान्य नागरिकांच्या सोयीसाठी रेल्वे स्थानकात सरकते जिने बसविण्यात आले आहेत. मात्र बहुतांश दिवस हे सरकते जिने बंद असल्याने नागरिकांची गैरसोय होत आहे. सामान्य माणसाला या सुविधांपासून वंचित राहावे लागणार असेल तर अशा कामांवर लाखों रुपये खर्च करून काय उपयोग? असा प्रश्न प्रवाशांकडून विचारण्यात येत आहे.