नेशन न्यूज मराठी टीम.
नवी दिल्ली /प्रतिनिधी – राष्ट्रीय गुंतवणूक आणि पायाभूत सुविधा निधीने (एनआयआयएफ ) अँकर गुंतवणूकदार म्हणून भारत सरकार आणि आंतरराष्ट्रीय सहकार्यासाठीच्या जपान बँक (जेबीआयसी ) सोबत $600 दशलक्ष भारत-जपान निधीचा (आयजेएफ ) प्रारंभ केला आहे. सामायिक प्राधान्य असलेल्या उदा. हवामान आणि पर्यावरण या क्षेत्रात उभय देशांमधील सहकार्याचा एक महत्त्वाचा पैलू हा संयुक्त उपक्रम दर्शवतो.
ही घोषणा एनआयआयएफच्या पहिल्या द्वि-पक्षीय निधीला चिन्हांकित करते, यामध्ये भारत सरकारचे लक्ष्यीत निधीमध्ये 49% आणि उर्वरित 51% योगदान जेबीआयसी द्वारे देण्यात येत आहे. हा निधी (एनआयआयएफ )लिमिटेडच्या माध्यमातून (एनआयायएफएल ) व्यवस्थापित केला जाईल आणि जेबीआयसी आयजी (जेबीआयसी ची उपकंपनी) एनआयायएफएल ला भारतात जपानी गुंतवणुकीला चालना देण्यासाठी मदत करेल.
भारत-जपान निधी पर्यावरणीय शाश्वतता आणि कमी कार्बन उत्सर्जन धोरणांमध्ये गुंतवणूक करण्यावर लक्ष केंद्रित करेल आणि भारतातील जपानी गुंतवणूक आणखी वाढवण्यासाठी ‘पसंतीचे भागीदार’ म्हणून भूमिका बजावण्याचे उद्दिष्ट ठेवेल.
भारत- जपान निधीची स्थापना ही जपान सरकार आणि भारत सरकार यांच्यातील धोरणात्मक आणि आर्थिक भागीदारीतील एक महत्त्वाचा टप्पा आहे.
